රජයේ මැදිහත්වීමෙන් පුරාවිද්යා රක්ෂිතවල භූමි සලකුණු ඉවත් කිරීම සම්බන්ධයෙන් ජාතික නිදහස් පෙරමුණේ නායක, හිටපු අමාත්ය විමල් වීරවංශ මහතා දැඩි ලෙස චෝදනා කර තිබෙනවා.
මඩකළපුවේ වාලච්චේනේ පුරා විද්යා රක්ෂිත භූමිවල ගසා තිබූ පුරා විද්යා දෙපාර්තමේන්තුවට අයත් බෝඩ් කිහිපයක් ප්රාදේශ සභාවේ සභාපති ඇතුළු පිරිසක් පැමිණ ඉවත් කළ බවට ඉකුත් දා වාර්තා වුණා.
එම පිරිස වළවල් හාරා, පුරා විද්යා බෝඩ් ගලවා ඒවා කුණු ගෙනියන ලොරියක දමාගෙන රැගෙන ගිය බව ඔහු පෙන්වා දෙනවා.
ජන හමුවක් අමතමින් ඔහු පවසන්නේ මෙම සිදුවීමට විරුද්ධ වන අය ජාතිවාදීන් ලෙස හංවඩු ගැසීම තුළින් සංහිඳියාවක් ඇති කළ නොහැකි බවයි.
මෙම ක්රියාව “සංහිඳියාව” නම්, ඊට විරුද්ධව වචනයක් හෝ කතා කළහොත් “ජාතිවාදය” යැයි චෝදනා එල්ල වන බව ඒ මහතා පවසනවා.
පුරා විද්යා බෝඩ් ටික ගලවාගෙන යන්න ඉඩ දී බලන් සිටින්නේ කවුරුන්දැයි හිටපු ඇමතිවරයා ප්රශ්න කර තිබෙනවා.
එමෙන්ම ඔහු වැඩිදුරටත්, දමිළ අලුත් පරම්පරාවට “කොටින්ව බෞතිස්ම කරන්න”, “වීරයෝ කරන්න” සහ ප්රභාකරන් වැනි අයව ආදර්ශයට ගැනීමට ඉඩකඩ සලසා දෙන්නේ කවුරුන්දැයි ප්රශ්න කර තිබෙනවා.
“ඒ ජාතිවාදයට ඉඩකඩ හදලා දෙන පියා, ඒ ෆැසිස්වාදයට ඉඩකඩ නිර්මාණය කරලා දෙන පියා අපට කියනවා, ඒක කියපු ගමන් අපි ජාතිවාදී කියලා” යැයි වැඩිදුරටත් සඳහන් කර තිබෙනවා.
