දිට්වා සුළි කුණාටුවෙන් පසු ඇති වු ආපදා තත්ත්වය මත පාකිස්තාන ජාතික ආපදා කළමනාකරණ අධිකාරිය හරහා ශ්රී ලංකාවට ටොන් 80 ක මානුෂීය ආධාර තොගයක් එවා තිබෙනවා.
ශ්රී ලංකා ගුවන් සේවය විසින් ලාහෝර් සහ කොළඹ අතර ක්රියාත්මක කරන ලද වෙනම ගුවන් ගමන් හතරකින් සහනාධාර තොගය ප්රවාහනය කෙරෙන බවයි වාර්තා වන්නේ.
පළමු ගුවන් ගමන ඊයේ (04) සවස කටුනායක බණ්ඩාරනායක ජාත්යන්තර ගුවන්තොටුපළට ළඟා වූ බවයි වාර්තා වුණේ.
ශ්රී ලංකාවේ සහන සේවා සහ ගලවා ගැනීමේ මෙහෙයුම් කණ්ඩායම් සමඟ සමීප සම්බන්ධීකරණයෙන් පාකිස්තාන මහ කොමසාරිස් කාර්යාලය, ආධාර පැකේජය සුදුසු පුද්ගලයින්ට කාලෝචිත ලෙස ලබා දීම සඳහා පහසුකම් සපයන බව සඳහන් වෙනවා.
මෙම ව්යසන තත්ත්වය ආරම්භයේ සිටම, පාකිස්තාන රජය, පාකිස්තාන නාවික හමුදාව, පාකිස්තාන ගුවන් හමුදාව හරහා මානුෂීය ආධාර මෙන්ම සෘජු සලාක බෙදා හැරීමේ මෙහෙයුම්වලදී දැඩි සහයෝහයක් ලබා දීම කැපී පෙනුණා.
