‘දිට්වා’ සුළි කුණාටුව හේතුවෙන් රට තුළ ඇති වූ හදිසි ව්යසනකාරී තත්ත්වය සමඟ ජනාධිපති අනුර කුමාර දිසානායක මහතා දැඩි ලෙස කාර්යබහුල වූ බව රහසක් නොවේ.
එම තත්ත්වය ඇති වූ අවස්ථාවේ සිට ජනාධිපතිවරයා විපතට පත් මිනිසුන්ගේ ජීවිත බේරාගැනීමේ සිට සමස්ත ආපදා කළමනාකරණ ක්රියාවලිය මෙහෙයවීම සඳහා තීරණාත්මක මැදිහත් වීමක් කරන ආකාරය දක්නට ලැබුණා.
කෙසේ වෙතත් එම තත්වය ද නොසලකමින් පසු ගිය දින කිහිපයේ සමාජ මාධ්ය තුළ නිර්මාණය වූ කතාබහක සඳහන් වුණේ ජනාධිපතිවරයාගේ ආරක්ෂක රථ පෙළ වැඩි වී ඇති බවයි.
ජනාධිපති අනිර කුමාර දිසානායක මහතාගේ ආරක්ෂක රථ පෙළ මුලින් රථ තුනකට සීමා වුවත් එය ක්රමානුකූලව වැඩිවෙමින් පවතින බවයි එම විවේචනවලින් කියවුණේ.
එම විවේචනයන්ට ආණ්ඩුවට හිතවාදී යූ ටියුබ් චැනලයක් මෙහෙයවන දේශපාලන විචාරකයකු වන භාරත තෙන්නකෝන් විසින් ප්රතිචාර ලබා දී තිබෙනවා.
එම යූ ටියුබ් වැඩසටහන ඔස්සේ භාරත තෙන්නකෝන් පෙන්වා දෙන්නේ අදාළ සියලුම සුඛෝපභෝගී වාහන ජනාධිපතිවරායගේ ආරක්ෂක රථ පෙළට අයත් ඒවා නොවන බවයි.
හදිසි ආපදා තත්තවය හේතුවෙන් ජනාධිපතිවරයාට රට පුරා දිස්ත්රික්කයෙන් දිස්ත්රික්කයට යමින් විවිධ සාකච්ඡා, රැස්වීම්, කමිටු සඳහා සහභාගී වීමට සිදු වී ඇති බවත් ජනාධිපතිවරයාගේ රථ පෙළ පිටුපස යන අනෙක් වාහන එම කමිටු, රැස්වීම් සඳහා සහභාගී වන රාජ්ය නිලධාරීන් හා අනෙකුත් මැති ඇමතිවරුන්ගේ වාහන විය හැකි බවයි.
එබැවින් මෙම තීරණාත්මක හදිසි අවස්ථාවේ එවැනි දේ බැහැර කර ඔවුන් රට ගොඩනැඟීමට දරන ප්රයත්නය වෙනුවෙන් සහාය ලබා දිය යුතු බව ඔහු වැඩි දුරටත් පෙන්වා දෙනවා.
