ශ්රී ලංකාවේ ආපදාවෙන් පීඩාවට පත් ජනතාව සඳහා චීනය විසින් පරිත්යාග කරන ලද රුපියල් මිලියන 400 ක් පමණ වටිනා මානුෂීය ආධාර තොගයක් අද (08) උදෑසන චීන භාණ්ඩ ප්රවාහන ගුවන් යානයකින් කටුනායක බණ්ඩාරනායක ජාත්යන්තර ගුවන්තොටුපළට ළඟා වී තිබෙනවා.
ෂැංහයි සිට පැමිණි බෝයිං 747-400 දරණ භාණ්ඩ ප්රවාහන යානය අද පෙරවරුවේ කටුනායක ගුවන්තොටුපළට ළඟා වූ බවයි වාර්තා වන්නේ.
මෙම යානයෙන් රැගෙන ආ සහන උපකරණ අතරට ජීවිතාරක්ෂක කබා, ටෙන්ට්, බ්ලැන්කට් සහ ඇඳ ඇතිරිලි ඇතුළත් වන අතර ඒවායේ මුළු බර කිලෝග්රෑම් 84,525 කි.
ආධාර ලබා ගැනීම සඳහා වරාය හා සිවිල් ගුවන් සේවා අමාත්ය අනුර කරුණාතිලක, ආරක්ෂක නියෝජ්ය අමාත්ය අරුණ ජයසේකර සහ ශ්රී ලංකාවේ චීන තානාපති ක්වි ෂෙන්හොං ඇතුළු විශාල දූත පිරිසක් සහභාගී වී සිටියා.
