ජාතික ගොඩනැගිලි හා පර්යේෂණ සංවිධානය විශ්වසනීය හා නිශ්චිත නිර්දේශ ඉදිරිපත් කිරීමට අපොහොසත් වීම නිසා අදාළ කටයුතු සඳහා විදේශීය තාක්ෂණික සඳහා සහාය ලබා ගැනීමට අමාත්ය ලාල් කාන්ත මහතා පවසා තිබෙනවා.
එම ආයතනයට නිසි තොරතුරු ලබා දීමට නොහැකි වී ඇති නිසා ආපදා තත්ත්වයෙන් පසු සාමාන්ය ජන ජීවිතය යළි පිහිටුවීම සහ පාසල් නැවත ආරම්භ කිරීම ක්රියා පටිපාටිය දුෂ්කර වී ඇති බවයි ඔහු පෙන්වා දෙන්නේ.
මහනුවර දී මාධ්ය අමතමින් අමාත්යවරයා ප්රකාශ කර ඇත්තේ ගොඩනැගිලි පර්යේෂණ සංවිධානය මේ වන විට ලබා දෙන නිර්දේශ මත ක්රියාත්මක වුවහොත් පාසල් නැවත විවෘත කිරීමට වඩා, ජනතාව පාසල් වෙතට රැගෙන ඒමේ තත්ත්වයක් උද්ගත විය හැකි බවයි.
ජාතික ගොඩනැගිලි පර්යේෂණ සංවිධානයේ කණ්ඩායම් අටක් නිරීක්ෂණ කටයුතුවල නිරත වුව ද එය ප්රමාණවත් නොවන බැවින්, මෙම අභියෝගාත්මක තත්ත්වයට සාර්ථකව මුහුණ දීම සඳහා ජාත්යන්තර සහාය අපේක්ෂා කරන බව ද ලාල්කාන්ත මහතා පවසා තිබෙනවා.
විපතෙන් පීඩාවට පත් ජනතාව යළි පදිංචියට සුදුසු ස්ථාන තීරණය කිරීම, ආරක්ෂක මධ්යස්ථානවල රැඳී සිටින ජනතාව පිළිබඳව ගන්නා තීරණ පාසල් නැවත විවෘත කිරීම සම්බන්ධයෙන් ස්ථිර තීරණ ගැනීම සඳහා පර්යේෂණ සංවිධානයෙන් නිවැරදි හා ප්රවේශය නිර්දේශ ලැබෙන තුරු බලා සිටීමට සිදු වීම නිසා යථා තත්ත්වයට පත් කිරීමේ වැඩසටහන් පමා වී ඇති බවද අමාත්යවරයා සඳහන් කර තිබෙනවා.
ඔහු තවදුරටත් සඳහන් කර ඇත්තේ ජාතික ගොඩනැගිලි පර්යේෂණ සංවිධානයේ වත්මන් නිර්දේශ අනුගමනය කරන්නේ නම්, මහනුවර දිස්ත්රික්කයේ සියලුම ප්රාදේශීය ලේකම් කොට්ඨාස විස්සම වෙනත් ප්රදේශයකට ගෙන යාමට සිදුවන බවකි.
නාය යාමේ අවදානම සහිත නිශ්චිත ස්ථාන සිතියම්ගත කොට නම් කර ඉදිරිපත් කිරීම ගොඩනැගිලි පර්යේෂණ සංවිධානයේ මූලික වගකීමක් බව ද අමාත්ය ලාල්කාන්ත මහතා අවධාරණය කර තිබෙනවා.
