එක්සත් ජනපද ප්රකෝටිපතියකු වන ස්ටාර්ලින්ක් ආයතනයේ හිමිකරු වන ඊලොන් මස්ක් විසින් ශ්රී ලංකාවේ ආපදා කළමනාකරණය වෙනුවෙන් විශේෂ පරිත්යාගයක් කර තිබෙනවා.
මුදල් අමාත්යාංශයේ ලේකම් ආචාර්ය හර්ෂණ සූරියප්පෙරුම මහතා විසින් මේ බව නිවේදනය කරමින් සඳහන් කළේ ආපදා කළමනාකරණ මධ්යස්ථානය වෙනුවෙන් එම පරිත්යාගය සිදු කර ඇති බවයි.
ආපදා කළමනාකරණ මධ්යස්ථානයේ කටයුතු සාර්ථකව කඩිනම්ව සිදු කිරීමේදී අවශ්ය වන සබඳතා පවත්වා ගැනීම සඳහා ස්ටාර්ලින්ක් යුනිට් 100ක් ශ්රී ලංකාව වෙත පරිත්යාග කළ බවයි ඔහු කියා සිටියේ.
එම ස්ටාර්ලින්ක් ඒකක මේ වන විටත් ශ්රී ලංකාව වෙත ලැබී ඇති අතර ඒවා ආපදා කළමනාකරණ මධ්යස්ථානය වෙත භාර දීමට යුහුසුළුව කටයුතු කරමින් සිටින බව මුදල් අමාත්යාංශ ලේකම්වරයා වැඩිදුරටත් පවසා තිබෙනවා.
