‘දිට්වා’ සුළි කුණාටුව හැසිරවීම පිළිබඳව විමර්ශනය කිරීම සඳහා ස්වාධීන, ඉහළ බලැති පාර්ලිමේන්තු කමිටුවක් පත් කරන ලෙස හිටපු අමාත්ය පාඨලී චම්පික රණවක රජයෙන් ඉල්ලීමක් කර තිබෙනවා.
හිටපු අමාත්යවරයා මෙම ඉල්ලීම සිදු කරන්නේ සුළි කුණාටු තත්ත්වය පිළිබඳ තමන් දිගින් දිගටම දැනුම් දුන් බවට ශ්රී ලංකා කාලගුණ විද්යාඥයින්ගේ සංගමය පසුගිය දා සිදු කළ නිවේදනය උපුටා දක්වමිනි.
ඔහු පෙන්වා දෙන ආකාරයට එම සංවිධානයේ සාක්ෂිවලින් පෙනී යන්නේ සුළි කුණාටුව සඳහා විශ්වසනීය පූර්ව අනතුරු ඇඟවීම් නොවැම්බර් 23 වන දිනට පෙර නිකුත් කර ඇති බවයි.
“විනිවිදභාවය, වගවීම වෙනුවෙන් හා බලපෑමට ලක් වූ සෑම පවුලකටම යුක්තිය ඉටු කිරීම සඳහා අපක්ෂපාතී, ඉහළ බලැති පාර්ලිමේන්තු කමිටුවක් ප්රමාදයකින් තොරව පත් කළ යුතුය” ඔහුගේ සමාජ මාධ්ය ගිණුමක් වන ‘X’ හි පළ කළ සටහනක දැක්වෙනවා.
‘ශ්රී ලංකාව සත්ය දැනගැනීමට අවශ්යයි.’
පූර්ව දැනුමක් තිබියදීත්, පූර්ව අනතුරු ඇඟවීම් මත ක්රියා කිරීමට අපොහොසත් වූ බවට ඔහු රජයට චෝදනා කර තිබෙනවා.
නොවැම්බර් 24-25 දිනවල මූලික අනතුරු ඇඟවීම් නිකුත් කළ අතර සුළි කුණාටුව කඩා වැදුණේ නොවැම්බර් 28 වන දිනය. බලධාරීන්ට අවම වශයෙන් දින තුනක් සූදානම් වීමට තිබූ නමුත්, නියමිත වේලාවට ආපදා ප්රතිචාර යාන්ත්රණයන් සක්රීය කිරීමට අපොහොසත් වූ බව ඔහු වැඩිදුරටත් පවසා තිබෙනවා.
