සපුගස්කන්ද ප්රදේශයේදී හිටපු කථානායක සහ පාර්ලිමේන්තු මන්ත්රී අශෝක රන්වල මහතා රිය අනතුරකට ලක් වූ අවස්ථාවේ ඔහු මත්පැන් පානය කර සිටියේද යන්න තීරණය කිරීම සඳහා වන රුධිර සාම්පල වාර්තාව නිල විශ්ලේෂණය සඳහා රජයේ රස පරීක්ෂක දෙපාර්තමේන්තුවට යවා තිබෙනවා.
මත්පැන් පරීක්ෂණයේ තත්ත්වය සම්බන්ධයෙන් පොලිසියෙන් මාධ්ය කළ විමසීමකදී පොලිසිය පැවසුවේ සපුගස්කන්ද පොලිසිය විසින් රුධිර සාම්පලය රජයේ රස පරීක්ෂක දෙපාර්තමේන්තුවට යොමු කර ඇති බවයි.
ඉකුත් බ්රහස්පතින්දා (11) රාත්රියේ සපුගස්කන්ද ප්රදේශයේදී ඔහුගේ ජීප් රථය අනතුරට ලක් වූ අතර පොලිසිය එවැනි අවස්ථාවක සාමාන්යයෙන් සිදු කරනු ලබන බීමත් බව සඳහ වන පරීක්ෂණය හෙවත් බැලුන් පරීක්ෂණය අශෝක රන්වල මහතා සම්බන්ධයෙන් සිදු නොකිරීම සම්බන්ධයෙන් ශ්රී ලංකා පොලිසිය දැඩි ලෙස විවේචනයට ලක් වෙමින් පවතී.
මෙම අනතුරෙන් පසු මෝටර් රථයේ ගමන් කළ 25 හැවිරිදි කාන්තාවක්, ඇගේ මාස හයක දරුවා සහ ඇගේ 55 හැවිරිදි මව තුවාල ලබා රෝහල් ගත කරනු ලැබුවා.
