කාලගුණ විද්යා දෙපාර්තමේන්තුවේ නිලධාරීන් මේ වන විට ආණ්ඩුවේ බලපෑමට නතුවී කාර්යාල අඩස්සියට පත්ව සිටින බව විපක්ෂ නායක සජිත් ප්රේමදාස මහතා පවසා තිබෙනවා.
විපක්ෂනායකවරයා මේ බව සඳහන් කළේ කාලගුණ විද්යා දෙපාර්තමේන්තුවේ නිලධාරීන්ට මේ වන විට බාහිර පුද්ගලයින් සමඟ කතා කිරීමට හෝ කිසිවෙකු හමුවීමට අවසර නොමැති බව සඳහන් කරමිනි.
පාර්ලිමේන්තුවේ දී අද (18) ප්රකාශයක් සිදු කරමින් ඔහු පැවසුවේ කාලගුණ විද්යා දෙපාර්තමේන්තුවේ නිලධාරීන්ට අදහස් ප්රකාශ කිරීමේ අයිතිය සම්පූර්ණයෙන් කප්පාදු කර ඇති බවයි.
විපක්ෂ නායකවරයා එහිදී වැඩි දුරටත් මෙසේ සඳහන් කර සිටියා.
“ජනතාවගෙන් සත්යය සැඟවීම සඟවලා හරියන්නේ නැහැ. අද කාලගුණ දෙපාර්තමේන්තුවේ නිලධාරීන්ට තමන්ට ඕනෑ ආකාරයට ඉන්ටර්වීව් එකක් දීගන්න බැහැ. ඔවුන් නිවාස අඩස්සියට හෝ කාර්යාල අඩස්සියට අරගෙන. ඒ අයව කාර්යාලයට සීමා කරලා තියෙනවා. කාගෙන්වත් අහන්නෙ නැතිව ඉන්ටර්වීව් එකක් දෙන්න බැහැ. මේ තොරතුරු කරුණු කාරණා හංගන්න හොඳ නැහැ. හරි නම් හරි කියන්න ඕන. වැරදි නම් වැරදි හදාගෙන ඉස්සරහට යන්න ඕන. කාලගුණේ නිලධාරීන්ගේ කටවල් වහලා හරියන්නේ නැහැ.”
