ආණ්ඩුව ආගමානුකූල වී ඇති බව පාර්ලිමේන්තු මන්ත්රී චාමර සම්පත් දිසානායක මහතා පවසනවා.
මෙම ආණ්ඩුව බලයට පත් වීමෙන් පසු ආගමානුකූලව සිදු කළ පළමු ක්රියාව ඊයේ (18) ඌව පළාතේ දී අමාත්ය සමන්ත විද්යාරත්න විසින් සිදු කර ඇති බවයි.
පහු වී හෝ එසේ ආණ්ඩුව ආගමානුකූල වීම පිළිබඳ තමා සතුටු වන බව ඔහු ප්රකාශ කළේ අද (18) පාර්ලිමේන්තුවේ දී අදහස් පළ කරමිනි.
“සමන්ත විද්යාරත්න ගොවි සංවිධාන එක්ක එකතුවෙලා උමා ඇළට වැලි කොට්ට දාල ඇළ හදලා පිරිත් පැන් උමා ඇළට අත ඇරලා තිබුණා. මම ඒ ගැන සතුටු වෙනවා. ආණ්ඩුව පිරිත් පැන් දාලා පටන් ගත්ත පළමු වැඩේ. ආගම දහමට මුල් තැන දීලා වැඩක් කරලා තියෙනවා. පහුගිය අවුරුද්ද පුරාම ආගම පැත්තකටවත් වද්ද ගන්නෙ නැතුව තමයි මේ ආණ්ඩුව වැඩ කළේ. බෞද්ධ හරි ක්රිස්තියානි හරි මුස්ලිම් හරි කිසිම ආගමක් ගාවගත්තේ නැහැ. ප්රාදේශීය සභාවකවත් ආගම සිහි කළේ නැහැ. ඒ නිසා මොකක් හරි ආගමක් සිහිපත් කිරීම ගැන මම සතුටු වෙනවා මේ ආණ්ඩුව ඊයේ පිරිත් පැන් ටිකක් දාලා පටන් ගත්තා. මස්ත බාල්දුව යන්න කියලා. එහෙමවත් හිතුව එක ගැන මම සතුටු වෙනවා. ”
එමෙන්ම ඔහු මෙසේ ද සඳහන් කර සිටියා.
“මම යි රෝහිත අබේගුණවර්ධනයි පාර්ලිමේන්තුවට ආවම මුලින්ම කිව්වේ වල් පැළ දෙකක් පාර්ලිමේන්තු ආවා කියලා. අද ඇඹිලිටිය පැත්තෙන් ආව ගංජා පැළත් පාර්ලිමේන්තුවේ තියෙනවා”
