ගෑස් හිඟයක් නෑ.. නැව එනවා – විජිත

ගෑස් හිඟයක් ළඟදීම ඇති වන බවට අද (18) පාර්ලිමේන්තුව තුළ සිදු කරනු ලැබූ ප්‍රකාශය ප්‍රතික්ෂේප කරන බව විදේශ අමාත්‍ය විජිත හේරත් මහතා පවසනවා.

විදේශ අමාත්‍ය විජිත හේරත් මහතා ප්‍රකාශ කළේ, නව සැපයුම්කරු වන ස්විට්සර්ලන්තයේ Geogas Trading SA යටතේ පළමු ගෑස් නැව්ගත කිරීම 2026 ජනවාරි 5 වන දින වන විට ශ්‍රී ලංකාවට ළඟා වීමට නියමිත බවයි.

එබැවින් ගෑස් හිඟය පිළිබඳ ප්‍රකාශය පදනම් විරහිත ප්‍රකාශයක් බව ඔහු පෙන්වා දී තිබෙනවා.

පාර්ලිමේන්තුව අමතමින් අමාත්‍යවරයා පැවසුවේ, ශ්‍රී ලංකාවට ගෑස් සැපයීමේ ටෙන්ඩරය පෙර ඕමාන් සමාගමෙන් Geogas Trading SA වෙත ලබා දී ඇති අතර අදාළ ගිවිසුම් දැනටමත් අත්සන් කර ඇති බවයි.