ආපදාව අවස්ථාවේ මෙරටට පැමිණ සිටි කිසිදු විදෙස් සංචාරකයකුගේ ජීවිතයකට හානියක් නොවීමට රජය වගබලා ගත් බව විදේශ අමාත්ය විජිත හේරත් අද (18) පාර්ලිමේන්තුව හමුවේ ප්රකාශ කළා.
එය රජය සිදු කළ කැපවීමේ ප්රතිඵලයක් බවයි ඔහු කියා සිටියේ.
එමෙන්ම මෙම අසීරු අවස්ථාවේ සහායට පැමිණි සෑම විදෙස් රටකටම සහ තවමත් සහයෝගය ලබා දෙමින් සිටින විදෙස් රටවලට, ජ්යාත්යන්තර සංවිධාන හා දෙස් විදෙස් සිවිල් සංවිධාන වෙත සිය කෘතඥතාවය පළ කරන බවයි ඔහු සඳහන් කළේ.
නමුත් ඔහුගේ කතාව තුළ ආපදා තත්ත්වය නිවැරදිව ප්රකාශයට පත් නොකිරීම හේතුවෙන් අහිමි වූ අපේම මිනිසුන් ගැන හෝ ඔවුන් බේරා ගැනීමට රජයක් ලෙස ක්රියාත්මක වීමට නොහැකි වුණේ ඇයි ද යන්න ප්රකාශ වුණේ නැහැ.
ඔහු ඒ වෙනුවට සඳහන් කළේ හදිසි ආපදාවක් සිදු වූ බවත් එම ආපදාව සිදු වූ මොහොතේම රාජ්ය යාන්ත්රණය ක්රියාත්මක වූ බවයි.
