ඉන්දියාවේ මධ්ය ප්රදේශයේ සැට්නා දිස්ත්රික්කයේ රජයේ රුධිර පාරවිලයනය අතරතුර දරුවන් පස් දෙනෙකු HIV රෝගයට ගොදුරු වී ඇතැයි වාර්තා වෙනවා.
මෙය ඉන්දියාවේ සෞඛ්ය සේවයේ බරපතල නොසැලකිල්ල පිළිබඳ සන්ධිස්ථානයක් වනු ඇති බව පැවසෙනවා.
මෙසේ HIV ආසාධනය වී තිබෙන්නේ තැලසීමියා රෝගයට ප්රතිකාර ලෙස රුධිර පාරවිලයනය සිදු කළ දරුවන් කිහිප දෙනෙකි..
දිවි ගලවා ගැනීම සඳහා නිතිපතා රුධිර පාරවිලයන මත යැපෙන තැලසීමියා රෝගයට ගොදුරු වූ දරුවන්ට විවිධ රුධිර බැංකු තුනකින් ලබාගත් රුධිර ඒකක 189 ක් ලබා දී ඇති බවයි ඉන්දීය මාධ්ය වාර්තා පවසන්නේ.
මෙම ක්රියාවලියේදී, රුධිර පරිත්යාගශීලීන් 150 කට අධික සංඛ්යාවකගෙන් ලබා ගත් රුධිරය ඔවුන් වෙත ලබා දී ඇති බව සඳහන්ය. දිස්ත්රික් මට්ටමේ පරීක්ෂණවලින් දරුවන්ට ආසාධනය වූයේ එම පරිත්යාගශීලින්ගෙන් ලබා දුන් ලේවලින් යන්න තහවුරු වී තිබෙනවා. මේ වන විට රුධිර බැංකු භාරකරුවෙකු සහ සහායකයින් දෙදෙනෙකුගේ සේවය අත් හිටුවීමට සෞඛ්ය බලධාරීන් පියවර ගෙන ඇති බවයි වැඩි දුරටත් වාර්තා වන්නේ.
