2026 වසරේ රජයෙන් ලබා දෙන සහන පොලී ණය ක්රමය යටතේ 5% හෝ ඊට අඩු මට්ටමක පොලී අනුපාත යටතේ රුපියල් මිලියන 25 ක් දක්වා ණය ලබා ගැනීමට හදිසි ආපදා තත්ත්වයට ලක් වූ ව්යාපාරිකයන්ට අවස්ථාව ලබා දෙන බව කර්මාන්ත නියෝජ්ය අමාත්ය අමාත්ය චතුරංග අබේසිංහ පවසනවා.
ගංවතුරෙන් හානිවූ සුළු හා මධ්ය පරිමාණ ව්යාපාරවල ක්ෂණික මූල්ය අර්බුදයට විසඳුම් ලබාදීම සම්බන්ධයෙන් මාධ්ය හමුවේ අදහස් දක්වමින් ඔහු ඊයේ (21) මේ බව සඳහන් කරනු ලැබුවා.
ව්යවසායකයන්ට 3% පොලියට රුපියල් මිලියන එකක උපරිමයකට යටත්ව ණයක් ලංකා බැංකුව, මහජන බැංකුව හා RDB බැංකුව හරහා අයදුම් කළ හැකිය.
ඒ සඳහා අවශ්ය ග්රාම නිලධාරි හා ප්රාදේශීය ලේකම්වරයාගේ අනුමැතිය පමණක් බව නියෝජ්ය අමාත්යවරයා සඳහන් කර තිබෙනවා.
“මේ සඳහා කර්මාන්ත අමාත්යාංශයේ නිලධාරීන් ව්යවසායකයන්ට සහාය වේවි. මේ බැංකු සමඟ ගනුදෙනු කර නැත්නම් ව්යවසායකයන්ට තමන්ගේ බැංකුවේ නිර්දේශයක් සමඟ මෙම ණය අයදුම් කළ හැකියි. මේ දක්වා ගෙවමින් තිබූ ඕනෑම ණයක් මාස තුනක හෝ හයක ණය නොගෙවා සිටීමේ කාලයක් ව්යවසායකයන්ට ඕනෑම බැංකුවකින් ලබාගත හැකියි. මේ සඳහා ව්යවසායකයන් අයදුම් කළ යුතු අතර, කිසිදු අමතර ගාස්තු හෝ 2021 මෙන් අමතර පොලී අය කිරීමක් වෙන්නෙ නැහැ.” අමාත්යවරයා පවසා තිබෙනවා.
