මහජන සෞඛ්යයට අදාළ හානි දායක පුවත් වාර්තා කළහොත් අනිවාර්යයෙන් ජනමාධ්ය ආයතනවල බලපත්ර අහෝසි කිරීමට කටයුතු කරන බව සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා පවසනවා.
ජනමාධ්ය අමාත්යංශය විසින් රූපවාහිනී නාලිකා සඳහා බලපත්රය ලබා දී ඇත්තේ කොන්දෙසිවලට යටත්ව බැවින් යම්කිසි අවස්ථාවක දී එම කොන්දෙසි කඩකළහොත් අදාළ රූපවාහිනී නාලිකා සතු බලපත්රය යළි කැඳවීමේ හැකියාව ජනමාධ්ය අමාත්යවරයා සතු බව ඔහු පෙන්වා දෙනවා.
අමාත්යවරයා මේ බව සඳහන් කළේ මෙරට ජනතාවගේ සෞඛ්ය දැනුම ප්රවර්ධනය උදෙසා සහ සෞඛ්ය තොරතුරු ප්රචාරණය සඳහා කටයුතු කළ මාධ්යවේදීන්ගේ මෙහෙවර ඇගයීම වෙනුවෙන් පැවති ඇගයීමේ උත්සවයේදීය.
එම ඇගයීම් උළෙල ‘සෞඛ්ය අඬහැරය – 2025’ මැයෙන් අද (29) සෞඛ්ය ප්රවර්ධන කාර්යාංශයේ දී පැවැත්වුණා.
එහිදි අදහස් දක්වමින් අමාත්යවරයා ජනජනමාධ්ය වෙත අනඅනතුරු අඟවමින් සෑම රූපවාහිනී නාලිකාවක් සඳහාම විකාශන බලපත්රය ලබා දී ඇත්තේ තාවකාලික බලපත්රයක් ලෙසට බව අවධාරණය කර තිබෙනවා.
එහිදී අමාත්යවරයා සෞඛ්ය හා ආර්ථිකය පිළිබඳ අසත්ය හෝ විකෘති තොරතුරු ජනගත කළොත් අනිවාර්යයෙන් දැනට පවතින බලපත්රවල කොන්දේසි ප්රකාරව එම බලපත්ර යළි කැඳවන බවයි අමාත්යවරයා පැවසුවේ.
එහිදී වැඩිදුරටත් අදහස් දැක්වූ අමාත්යවරයා..,
“මේක සෙල්ලමක් නෙමෙයි. ඔබට වැඩ කරන්න සිදුවෙලා තියෙන්නේ ජනතාවගේ විශ්වාසය, මේ අවකාශයේ තිබෙන සංඛ්යාත ආදි සියල්ලමත් එක්ක. අවශ්ය නම් සාදිරිස් ගුරුන්නාස්සේ අම්බලන්ගොඩ ඉදලා කොළඹට නාඩගම් පෙට්ටිය අරගෙන ආපු විදියට ප්රවෘත්ති වාර්තා කරන්න පුළුවන්. එහෙම ප්රවෘත්ති වාර්තා කරන්න බෑ. මේවා විහිළුවට හෝ සෙල්ලමට කරන වැඩ නෙවෙයි. එහෙම විහිළුවක් හෝ සෙල්ලමක් විදියට ගන්න අපි සූදානමුත් නෑ. අපේ රටේ මේ සියලු රූපවාහිනී නාලිකාවලට ලයිසන් එක ලබාදීලා තියෙන්නේ ජනමාධ්ය අමාත්යාංශයෙන්. ඒ ලයිසන් එක ලබාදීලා තිබෙන්නේ තාවකාලිකව. ඒ ලයිසන් එක දෙනකොට කන්ඩිශන් කිහිපයක් තිබෙනවා.
මහජන සෞඛ්ය සම්බන්ධයෙන් හානිදායක ප්රවෘත්ති ප්රචාරය කළොත් යළි කැදවීමේ බලයක් ජනමාධ්ය අමාත්යවරයාට තියෙනවා. ජාතික ආරක්ෂාව දාලා තියෙනවා. ජාතික ආර්ථික සම්බන්ධයෙන් කියනවා, මහජන සෞඛ්යත් කියනවා. ඒ නිසා මෙතනින් එහාට කවුරුහරි මහජන සෞඛ්ය සම්බන්ධයෙන් විකෘති සහගන ප්රවෘත්ති ප්රචාරය කළොත් දැනට අපි කරමින් ඉන්නේ ලියුමක් යවලා ඒක නිවැරදි කරන්න කියන එක විතරයි. අනිවාර්ය වශයෙන්ම මේ ලයිසන් එක ලබා දීමේදී දිලා තියෙන කොන්දේසි බලාත්මක කරනවා. එහෙම නැතුව රටක් ඉදිරියට යන්න බෑ. ඒක කරන්නට ඕනේ. සෞඛ්ය සම්බන්ධයෙන් විශ්වාසය රටේ ජනතාවගේ බිඳවැටුනොත් එතනින් එහාට මුකුත් කරන්නට බෑ.”
