විස්සයි20 ලෝක කුසලාන තරග ඉන්දියාවෙන් ඉවත් කර ශ්රී ලංකාවේ පවත්වන ලෙස බංග්ලාදේශ ක්රිකට් මණ්ඩලය කළ ඉල්ලීමට ජාත්යන්තර ක්රිකට් කවුන්සිලය (ICC) විරුද්ධත්වයක් නොමැති බව Cricbuzz වෙබ් අඩවිය ඊයේ (06) වාර්තා කරනු ලැබුවා.
බංග්ලාදේශයේ තරග ශ්රී ලංකාවේ සම සත්කාරකත්වයට මාරු කිරීමට අයිසීසීය තීරණය කළහොත් තරග කාලසටහනේ යම් වෙනස්කම් කිරීමට සිදුවිය හැකි අතර එය ඉදිරි දින කිහිපය තුළ අවසන් වනු ඇතැයි සඳහන් වෙනවා.
බංගලාදේශ ක්රිකට් මණ්ඩලය මෙම ඉල්ලීම සිදු කරනු ලැබුවේ ඉන්දීය රුපියල් කෝටි 9.2කට (ශ්රී ලංකා රුපියල් කෝටි 31කට) මිලදී ගත් කොල්කටා නයිට් රයිඩර්ස් ක්රීඩක මුස්තාෆිසුර් රහ්මාන් ඉවත් කිරීමට ඉන්දීය ක්රිකට් මණ්ඩලය නියෝගයක් නිකුත් කිරීමෙන් දෙරට අතර, ක්රිකට් අර්බුදය උත්සන්න වීමත් සමඟයි.
ඉන්දීය ක්රිකට් මණ්ඩලයේ මේ තීරණයට කිසිදු තාර්කික හේතුවක් නොමැති බවත්, එවැනි තීරණයකින් බංග්ලාදේශ ජනතාවට රිදවීම, කම්පනයට පත්වීම හා කෝපයට හේතු වූ බව එරට මාධ්ය සඳහන් කරනු ලැබුවා.
මේ අතර බංග්ලාදේශ ක්රිකට් ක්රීඩක මුස්තාෆිසුර් රහ්මාන් ඉවත් කිරීමට ප්රතිචාර වශයෙන් බංග්ලාදේශය තුළ ඉන්දීය ප්රීමියර් ලීග් තරග විකාශය තහනම් කිරීමට එරට තොරතුරු හා විකාශන අමාත්යාංශය ඊයේ (06) නියෝග කර තිබුණා..
ඒ අනුව එළැඹෙන මාර්තු 26 වැනිදා සිට පැවැත්වෙන අයිපීඑල් ක්රිකට් තරගාවලිය තහනම් කළ පළමු රට බවට බංග්ලාදේශය පත්ව තිබෙනවා. එය ලොව පුරා රටවල් 80කට අධික සංඛ්යාවක විකාශය වීමට නියමිතය.