ලෝක ආර්ථික සංසදයේ (WEF) 56 වන වාර්ෂික රැස්වීමට සහභාගී වීම සඳහා අග්රාමාත්ය ආචාර්ය හරිනි අමරසූරිය ජනවාරි 19 වන දින උදෑසන දිවයිනෙන් පිටත්ව ගොස් තිබෙනවා.
මෙවර ආර්ථික සමුළුව 2026 ජනවාරි 19 සිට 23 දක්වා ස්විට්සර්ලන්තයේ Davos-Klosters හි පැවැත්වෙනවා.
‘A Spirit of Dialogue’ යන තේමාව යටතේ පවත්වනු ලබන 2026 ලෝක ආර්ථික සංසදය සඳහා රාජ්ය නායකයින්, ප්රමුඛ බහුජාතික සමාගම්වල ප්රධාන විධායක නිලධාරීන්, ප්රතිපත්ති සම්පාදකයින් සහ තාක්ෂණ නවෝත්පාදකයින් ඇතුළු ගෝලීය නායකයින් 3,000 කට අධික සංඛ්යාවක් සහභාගී වීමට නියමිතය.
මෙම සංචාරය අතරතුර, අග්රාමාත්යවරිය සහ ජාත්යන්තර නායකයින්, ගෝලීය ආයතන ප්රධානීන් සහ අනෙකුත් සම්භාවනීය අමුත්තන් අතර ඉහළ මට්ටමේ ද්විපාර්ශ්වික සාකච්ඡා මාලාවක් පැවැත්වීමට ද නියමිත බවයි වාර්තා වන්නේ.