පාර්ලිමේන්තු මන්ත්රීවරුන්ගේ විශ්රාම වැටුප් ඉවත් කිරීමේ පනත් කෙටුම්පත ආණ්ඩුක්රම ව්යවස්ථාවට පටහැනි නොවන බව ශ්රේෂ්ඨාධිකරණය දැනුම් දී තිබෙනවා.
එම තීරණය කථානායක වෛද්ය ජගත් වික්රමරත්න විසින් පාර්ලිමේන්තුවට අද (06) දැනුම් දුන්නා.
ඒ අනුව කථානායකවරයා පැවසුවේ මෙම පනත් කෙටුම්පතෙහි කිසිදු විධිවිධානයක් ආණ්ඩුක්රම ව්යවස්ථාවේ කිසිඳු විධිවිධානයකට අනනුකූල නොවන බවයි.
එබැවින් පනත් කෙටුම්පත පාර්ලිමේන්තුවේ සරල බහුතරයෙන් සම්මත කළ හැකි බවත් ශ්රේෂ්ඨාධිකරණය තීරණය කර ඇති බවයි ඔහු පාර්ලිමේන්තුවට දැනුම් දී තිබුණේ.
ශ්රේෂ්ඨාධිකරණයේ තීරණය අද දින කාර්ය සටහන් දැක්වෙන නිල වාර්තාවේ මුද්රණය කරන ලෙස ද කථානායකවරයා දැනුම් දී තිබෙනවා.
අධිකරණ හා ජාතික ඒකාබද්ධතා අමාත්ය හර්ෂණ නානායක්කාර විසින් පාර්ලිමේන්තු මන්ත්රීවරුන්ගේ විශ්රාම වැටුප් ඉවත් කිරීමේ යෝජනාවට අදාළ පනත් කෙටුම්පත පාර්ලිමේන්තුවට ඉදිරිපත් කරනු ලැබුවේ ජනවාරි 7 වන දාය.
ඒ අනුව, ජාතික රාජ්ය සභාවේ 1977 අංක 1 දරන පාර්ලිමේන්තු විශ්රාම වැටුප් පනත ඉවත් කිරීමට මෙයින් යෝජනා කරනු ලැබුවා.