සිනමා විචාරකයකු හා වෙළඳ දැන්වීම් නිර්මාණකරුවකු වන ලක්මිණ රණසිංහට හැව්ලොක් සිටි සිනමා ශාලාවේදී පසුගිය ජනවාරි මස 8 වන දින හේමාල් රණසිංහ විසින් පහර දීම ආන්දෝලනාත්මක සිදුවීමක් වුණා.
එම පහරදීම සම්බන්ධයෙන් වැල්ලවත්ත පොලීසිය විසින් ඉකුත් 03වැනිදා හේමාල් රණසිංහ අත් අඩංගුවට ගත් අතර ගල්කිස්ස මහේස්ත්රාත් අධිකරණයට ඉදිරිපත් කිරීමෙන් අනතුරුව ඔහුගේ නීතිඥයින් අධිකරණයට පැවසුවේ හේමාල් විසින් ලක්මිණට පහර දීමක් සිදු කර නොමැති බවයි.
හැව්ලොක් සිනමා ශාලාවේ පසුගිය 8 වැනි දින පැවැති චිත්රපට මුහුරත් උලෙළක දී මොවුන් දෙදෙනා මුහුණට මුහුණ හමුවූ අවස්ථාවේ දී පැමිණිලිකරු අමතා තම සේවාදායකයා “ලක්මිණ එන්න අපි කතා කරමු” කියා අතින් ඇදීමක් සිදුකර ඇති බවයි එහිදී සඳහන් කර තිබුණේ.
කෙසේ වෙතත් ලක්මිණ රනසිංහගේ පාර්ශවයෙන් එය ප්රතික්ෂේප කර පවස තිබුණේ ඔහු තමාට පහර දුන් බවයි.
ලක්මිණ විසින් එක්තරා යූ ටියුබ් නාළිකාවක් සිදු කළ විමසීමකට පිළිතුරු දෙමින් ද හේමාල් තමාට පහර දුන් බව තහවුරු කර තිබෙනවා. ඔහු තමාගේ බිරිඳ හා දරුවන් ඉදිරියේ තමාගේ හිසට සහ බෙල්ලට පහර දුන් බවයි ඔහු එහිදී ද සඳහන් කර තිබෙන්නේ.
පහර දීමට හේතුව පසුගිය කාල සීමාවේ තමා හේමාල් රණසිංහගේ සිනමා නිර්මාණ කිහිපයක් විවේචනය කරමින් අදහස් පළ කිරීම බවයි ලක්මිණ පවසන්නේ.
මේ නිසා දෙදෙනා අතර හිත් අමනාපකමක් පැවති අතර මාරියා චිත්රපටය පිළිබඳ විචාරයකදී ඔහු හේමාල් පිළිබඳව සඳහන් නොකිරීම පහර දීමට හේතුව බව ලක්මිණ සඳහන් කර තිබෙනවා.
අත්අඩංගුවට ගැනීමෙන් අනතුරුව ජනප්රිය නළු හේමාල් රණසිංහ රුපියල් ලක්ෂයක ශරීර ඇපයක් මත මුදා හැරීමට ගල්කිස්ස මහේස්ත්රාත් පසන් අමරසේන මහතා නියෝග කරනු ලැබුවා.. හැව්ලොක් සිටි සිනමා ශාලාවේදී සිදුවන මෙම පහර දීමට අදාළව සීසීටීවී දර්ශන ලබාගෙන ඒ පිළිබඳ වාර්තාවක් අධිකරණයට ඉදිරිපත් කිරීමට ද වැල්ලවත්ත පොලීසිය කටයුතු කර තිබුණා.
මැයි මස 14 වැනි දින නඩුව නැවත කැඳවීමට නියමිතය.