බුදු දහම, බුද්ධ ශාසනය සහ මහා සංඝරත්නය ආරක්ෂා කිරීම ජාතිවාදී ක්රියාවක් නොවන බව ශ්රී ලංකා පොදුජන පෙරමුණේ ජාතික සංවිධායක සහ පාර්ලිමේන්තු මන්ත්රී නාමල් රාජපක්ෂ පවසා තිබෙනවා.
අද (11) නෙළුම් මාවතේ පක්ෂ කාර්යාලයේදී මාධ්යවේදීන් අමතමින් ඔහු අවධාරණය කළේ ශ්රී ලාංකිකයන්ගෙන් බහුතරයක් බෞද්ධයන් බවත් බෞද්ධ සංස්කෘතිය හා දර්ශනය ආරක්ෂා කිරීමෙන් රටේ සියලුම ආගම්වලට ප්රතිලාභ ලැබෙන බවත්ය.
“මේ රට බෞද්ධ පදනමක් මත ගොඩනැගී ඇති බව තමයි මම විශ්වාස කරන්නේ. බුද්ධාගමේ මුල් බැසගත් ජාතියකට සියලු ආගම් ආරක්ෂා කරන්න පුළුවන්.”
ඔහු තවදුරටත් එහිදී මෙසේ ද සඳහන් කර තිබෙනවා.
“ඒකයි අපි බය නැත්තේ. මම සිංහල බෞද්ධයෙක්. ඒ වගේම මම අනෙකුත් සංස්කෘතීන් ආරක්ෂා කිරීමටත් කටයුතු කරනවා. මම මගේ ආගම විශ්වාස කරන නිසා මට මගේ සංස්කෘතිය ආරක්ෂා කර ගැනීමට හැකි වී තිබෙනවා. ආගම විශ්වාස නොකරන අයට වෙනත් පුද්ගලයෙකුගේ භාෂාව, ආගම හෝ සංස්කෘතිය ආරක්ෂා කළ නොහැකියි.”