ගල්ෆ් සහ මැදපෙරදිග කලාපයේ යුද්ධය වඩාත් තීව්ර වන අතර අද (07) රාත්රියේ ඉරානයට එරෙහි එක්සත් ජනපදයේ විශාලතම බෝම්බ හෙලීම සිදු වනු ඇතැයි එක්සත් ජනපද භාණ්ඩාගාර ලේකම් ස්කොට් බෙසන්ට් පවසා තිබෙනවා.
බෙසන්ට් පැවසුවේ මෙම ප්රහාරය ඉරානයේ මිසයිල නිකුත් කරන ස්ථාන සහ ඒවා නිපදවන කර්මාන්තශාලා දැඩි ලෙස විනාශ කිරීම අරමුණ කරගෙන සිදු කරන බවයි.
හෝමූස් සමුද්ර සන්ධිය වසා දැමීමට උත්සාහ කිරීමෙන් ගෝලීය ආර්ථික අවුලක් ඇති කිරීමට ඉරානය උත්සාහ කරන බවට ඔහු චෝදනා කර තිබෙනවා.
මේ අතර අමෙරිකානු ජනාධිපති ඩොනල්ඩ් ට්රම්ප් පවසන්නේ ඉරානයේ හමුදා බලය බොහෝ දුරට විනාශ වී ඇති බවයි.
ඔහුට අනුව ඉරානයේ ගුවන් හමුදාව සම්පූර්ණයෙන්ම විනාශ වී ඇති අතර නාවික හමුදාව සතු නෞකා 32ක්ම මුහුදේ ගිලී ඇතැයි ඔහු ප්රකාශ කර තිබෙනවා.
ඉරානයේ නායකත්ව කණ්ඩායම් දෙකක් දැනටමත් අහිමි වී ඇති අතර දැන් තුන්වන කණ්ඩායමක් පමණක් ඉතිරිව ඇති බවයි ඔහු පවසා ඇත්තේ.
මේ අතර, සතියක් පුරා පැවති ගැටුම වඩාත්ම තීව්ර වනු ඇතැයි අමෙරිකානු බලධාරීන් සඳහන් කර ඇති ආකාරයටම ටෙහෙරානය ඊශ්රායලයට මිසයිල ප්රහාර එල්ල කරමින් ප්රතිප්රහාර එල්ල කිරීමත් සමඟ සෙනසුරාදා අලුයම ඉරාන අගනුවර පිපිරීම් මාලාවක අඳුරු දුමෙන් වැසී ගිය බව වාර්තා සඳහන් කර තිබෙනවා.