ඉරාන දේශපාලන ව්‍යුහය පුද්ගලයෙකු මත රඳා පවතින්නේ නැහැ.. එය ශක්තිමත්.. ඉරාන විදේශ ඇමතිගෙන් ප්‍රකාශයක්

ඉරානය දේශපාලන පද්ධතිය පුද්ගලයින් මත රඳා පවතින්නක් නොවන බවත් ශක්තිමත් දේශපාලන ව්‍යුහයක් බව ඉරාන විදේශ ඇමති අබ්බාස් අරගචි (Abbas Araghchi) නිවේදනය කර තිබෙනවා.

ඉරාන විදේශ ඇමතිවරයා මෙම ප්‍රකාශය සිදු කර ඇත්තේ ඉරානයේ ආරක්ෂක ප්‍රධානියා වූ අලි ලැරිජානි (Ali Larijani)ගේ මරණය තහවුරු කිරීමෙන් පසුව එරට රජයේ පළමු නිල ප්‍රකාශය ලෙසයි.

ඔහු මෙම ප්‍රකාශය සිදු කර ඇත්තේ Al Jazeera සමඟ සම්මුඛ සාකච්ඡාවක් ලබා දෙමිනි.

“ඇමරිකානුවන් සහ ඊශ්‍රායල ජාතිකයන් තවමත් මෙම කරුණ තේරුම් නොගන්නේ ඇයි දැයි මම දන්නේ නැහැ. ඉරාන ඉස්ලාමීය ජනරජයට ස්ථාපිත දේශපාලන, ආර්ථික සහ සමාජ ආයතන සහිත ශක්තිමත් දේශපාලන ව්‍යුහයක් තිබෙනවා. තනි පුද්ගලයෙකුගේ පැවැත්ම හෝ නොපැවතීම මෙම ව්‍යුහයට බලපාන්නේ නැහැ.”

“ඇත්ත වශයෙන්ම, පුද්ගලයන් බලගතුයි. එක් එක් පුද්ගලයා ඔවුන්ගේ කාර්යභාරය ඉටු කරනවා සමහරු වඩා හොඳ, සමහරු නරක, සමහරු අඩු වශයෙන්. නමුත් වැදගත් වන්නේ ඉරානයේ දේශපාලන ක්‍රමය ඉතා ශක්තිමත් ව්‍යුහයක් වීමයි.”

එමෙන්ම, ඔහු මෙම සාකච්ඡාව අතරතුර අමෙරිකාව ගල්ෆ් කලාපයේ සිදු කරන විනාශය සම්බන්ධයෙන් චෝදනා කර තිබෙනවා.

කෙසේවෙතත් ඉස්ලාමීය විප්ලවීය ආරක්ෂක බලකාය පවසා ඇත්තේ ඊශ්‍රායලයේ අභ්‍යන්තර හමුදා හා ආරක්ෂක ඉලක්ක 100කට අධික සංඛ්‍යාවක් ඉලක්ක කර ඉරානය මිසයිල ප්‍රහාර මාලාවක් එල්ල කර ඇති බවයි.

Khorramshahr-4, Qadr, Emad, Khybershakan මිසයිල ඒ සඳහා යොදාගත් බවයි ඔවුන් පවසා ඇත්තේ.