මත්ද්රව්ය සහ ඝාතනවලට අදාළව ශ්රී ලංකාවේ දී ලබා දෙන දඬුවම මරණ දණ්ඩනය ලෙස සඳහන් වීම හේතුවෙන් ජාත්යන්තර අධිකරණය අපරාධ කරුවන්ට එරෙහිව රතු වරෙන්තු නිකුත් කිරීම ප්රතික්ෂේප කරන බව පොලිසිය පවසනවා.
විවෘත සහ වගකිව යුතු රජයක් සඳහා අධීක්ෂණ කාරක සභාව මහජන ආරක්ෂක අමාත්යාංශය සහ ශ්රී ලංකා පොලිසිය කැඳවූ අවස්ථාවේ දී මේ පිළිබඳ කරුණු අනාවරණය කර තිබෙන බවයි වාර්තා වෙන්නේ.
එහිදී අදහස් දැක්වූ අපරාධ සහ නීතිය දිසාව භාර පොලිස්පති අසංග කරවිට මහතා,
“පාතාලය යටතේ කටයුතු කරන පුද්ගලයන්ගේ නාම ලේඛනයක් හඳුනාගෙන තිබෙනවා. ඡායාරූපත් හඳුනාගෙන තිබෙනවා. පදිංචි ස්ථානත් හඳුනාගෙන තිබෙනවා. එයින් විදේශ ගත වෙලා ඉන්න ප්රමාණයත් හඳුනාගෙන තිබෙනවා. ඒ අතරින් කිහිප දෙනෙක් ගෙන්වීමටත් කටයුතු කළා. 12 දෙනෙක් ඉන්දියාවේ දී අත් අඩංගුවට අරන් එහේදිම නඩු පැවරුවා” යනුවෙන් පවසනු ලැබුවා.
එහෙත් ශ්රී ලංකාව මරණ දණ්ඩනය ක්රියාත්මක වන රටක් බැවින් ඉල්ලීම් කර ඇති තවත් කිහිප දෙනෙකුට රතු වරෙන්තු නිකුත් කිරීම ප්රතික්ෂේප කර ඇතැයි ඒ මහතා වැඩිදුරටත් පවසනු ලැබුවා.
කොන්ත්රාත් පදනම යටතේ සිදු කරනු ලබන ඝාතන රැල්ල ඇති කරන කණ්ඩායම් ද මේ වන විට හඳුනාගෙන ඇති බවත් විශේෂ කාර්ය බලකාය මඟින් ඇතැම් කණ්ඩායම් මේ වන විටත් අත් අඩංගුවට ගෙන ඇති බව ද මෙහි දී සඳහන් වුණා.
