කම්කරු පන්තිය නියෝජනය කරන සංකේතයක් වන දෑකැත්ත සහ මිටිය සළකුණ සහිතව ඉදිකර ඇති බස් නැවතුම්පොළක් සම්බන්ධයෙන් මේ දිනවල සමාජ මාධ්‍ය වේදිකාවල විශාල කතාබහක් නිර්මාණය වී තිබෙනවා.
මෙම බස් නැවතුම්පළ පසුගිය දා විවෘත කර තිබුණේ පාසල් සිසුවකුගේ අතින් වීම ද විශේෂත්වයක්.
ඇතැම් පිරිස් චෝදනා කර ඇත්තේ මෙය ජනතා විමුක්ති පෙරමුණේ දේශපාලන ප්‍රචාරණය වෙනුවෙන් ඉදිකරන ලද්දක් බවයි.
කෙසේ වෙතත් මේ සම්බන්ධයෙන් කරන ලද විමසීමකදී ජවිපෙ මාධ්‍ය අංශය තහවුරු කරන ලද්දේ, අදාළ බස් නැවතුම්පොළ ඉදිකිරීමට සිය පක්ෂයේ කිසිදු සම්බන්ධයක් නොමැති බවයි.
