තෙළිඟු, දමිළ හා මලයාලම් සිනමාවේ අතිශය ආදරයට පාත්‍රවන නිළියක් වන සායි පල්ලවි අධ්‍යක්ෂක රාජ්කුමාර් පෙරියසාමි සමඟ විවාහ වූ බවට ප්‍රකාශ වූ ඡායාරූපයක් සමාජ මාධ්‍යවල වේගයෙන් සංසරණය වුණා.
මෙසේ වේගයෙන් පැතිර ගියේ සායි පල්ලවි සහ රාජ්කුමාර් පෙරියසම් ගෙලෙහි මල්මාලා පැළඳ සිටින ආකාරය දැක්වෙන ඡායාරූපයක්.
අන්තර්ජාලයේ විශාල කොටසක් මෙම ඡායාරූපය නැවත නැවතත් බෙදාගනිමින් ඇයට සුබ පැතුම් එක් කර තිබුණා.
සායි පල්ලවි සාමාන්‍යයෙන් සැලකෙන්නේ කටකතා පසුපස නොයන නිළියක් ලෙසයි.
නමුත් සිකුරාදා සායි පල්ලවි X (Twitter) හි පැහැදිලි කිරීමක් කරමින් පැවසුවේ මෙය රාජ්කුමාර් පෙරියසාමි විසින් අධ්‍යක්ෂණය කරන ලද ඇගේ මීළඟ චිත්‍රපටය වන SK 21 හි “පූජා උත්සවයේ” දී ලබාගත් ඡායාරූපයක් බවයි.
ඡායාරූපය හිතාමතා සංස්කරණය කර බෙදා හරින ලද බවට ඇය චෝදනා කර තිබෙනවා.
ඇය X හි මෙසේ ලියා තිබුණා.
“අවංකවම, මම කටකතා ගණන් ගන්නේ නැත, නමුත් එයට පවුලේ මිතුරන් සම්බන්ධ වන විට, මට කතා නොකර සිටිය නොහැකියි. මෙය මගේ චිත්‍රපටයේ පූජා උත්සවයේ පින්තූරයක් හිතාමතාම සංස්කරණය කර මුදල් ගෙවා සහ පිළිකුල් සහගත චේතනාවන් සමඟ බෙදා හරින ලද්දක්. මට මගේ වැඩ ගැන බෙදා ගැනීමට ප්‍රසන්න දේවල් මෙතරම් තිබිය දී, මෙවැනි ක්‍රියා පිළිබඳ පැහැදිලි කිරීමට සිදු වීම පිළිබඳ කණගාටුයි. මෙවැනි අපහසුතාවයක් ඇති කිරීම තනිකරම නීච ක්‍රියාවක්!”
