චැනල් 4 හෙළිදරව්වලට නෛතික පදනමක් නැහැ – කතෝලික සභාව

2019 පාස්කු ඉරිදා ත්‍රස්ත ප්‍රහාරය සම්බන්ධයෙන් බ්‍රිතාන්‍යයේ චැනල් 4 නාලිකාව විසින් මෑතක දී වාර්තා චිත්‍රපටයක් මගින් කරන ලද චෝදනා පදනම් කර ගනිමින් නව නීතිමය ක්‍රියාමාර්ගයක් ගැනීමට අදහස් නොකරන බව කතෝලික සභාව ඊයේ (24) ප්‍රකාශ කළේය.

කෙසේ වෙතත්, පුද්ගලයන් 269 දෙනෙකුට මරු කැඳවූ සහ තවත් සිය ගණනකට තුවාල සිදු කළ ත්‍රස්ත ප්‍රහාර සම්බන්ධයෙන් නැවුම් සහ විනිවිද භාවයෙන් යුත් විමර්ශනයක් සඳහා තමන් අධිෂ්ඨානශීලීව කටයුතු කරන බව පල්ලිය පවසා තිබේ.

2019 අප්‍රේල් 21 ත්‍රස්ත ප්‍රහාරයට අදාළ විස්මිත චෝදනා අඩංගු Sri Lanka’s Easter Bombings නම් වූ ආන්දෝලනාත්මක වාර්තා චිත්‍රපටිය චැනල් 4 නාලිකාව විසින් මෑතකදී විකාශය කරන ලදී.

වාර්තා චිත්‍රපටය කියා සිටියේ රාජපක්ෂලාට, විශේෂයෙන්ම හිටපු ජනාධිපති ගෝඨාභය රාජපක්ෂට බලයට ඒමට පාර කැපීම සඳහා රාජ්‍ය නිලධාරින් යොදා ගනිමින් ත්‍රස්ත ප්‍රහාර එල්ල කර ඇති බවයි.

ආරක්ෂක අමාත්‍යාංශය, රාජ්‍ය බුද්ධි සේවයේ (SIS) ප්‍රධානියා සහ හිටපු ජනාධිපති ගෝඨාභය රාජපක්ෂ එම චෝදනා ප්‍රතික්ෂේප කරනු ලැබීය.

කොළඹ අගරදගුරු අති උතුම් මැල්කම් කාදිනල් රංජිත් පියතුමාගේ මාධ්‍ය ප්‍රකාශක සිරිල් ගාමිණී ප්‍රනාන්දු පියතුමන්, අදාළ වාර්තා චිත්‍රපටයේ නීතිමය පදනමක් නොමැති චෝදනා පමණක් අන්තර්ගත වී ඇති බැවින් එසේ කිරීමට අදහස් නොකරන බව කියා සිටියේය.

“මෙම වාර්තා චිත්‍රපටය පදනම් කරගෙන නීතිමය ක්‍රියාමාර්ග ආරම්භ කිරීමට අපි බලාපොරොත්තු නොවෙමු. එහි ඇත්තේ චෝදනා පමණක් වන අතර ඒවාට නෛතික පදනමක් නොමැත. අපට අවශ්‍ය වන්නේ මෙම සමස්ත කාරණය සම්බන්ධයෙන් නැවුම් පරීක්ෂණයක් කිරීමයි. එවැනි පරීක්ෂණයක් ත්‍රස්තවාදය වැනි සියලුම ක්ෂේත්‍ර ආවරණය කළ යුතුයි. ප්‍රහාර, ඊට අනුබල දුන් පුද්ගලයන් හෝ පාර්ශවයන්, ත්‍රස්ත ප්‍රහාරයෙන් පසුව ඇති වූ සිද්ධීන්, මෙතෙක් සිදු කර ඇති පරීක්ෂණවල අඩුපාඩු සහ චැනල් 4 විසින් එල්ල කරන ලද චෝදනා ඊට අන්තර්ගත විය යුතුයි”

Latest News

More like this

මීළඟ පොලිස්පති කවුද?

පොලිස්පති දේශබන්දු තෙන්නකෝන් මහතා ධුරයෙන් ඉවත් කිරීමට නියමිත බැවින්...

පාසල් වේලාව පැය භාගයකින් දීර්ඝ කළේ මේ නිසා.. අගමැතිනිය ගෙන් පැහැදිලි කිරීමක්

නව අධ්‍යාපන ප්‍රතිසංස්කරණ යටතේ පාසල් වේලාව විනාඩි තිහකින් දීර්ඝ...

දේශබන්දු වරදකරු වේ..

පොලිස්පති දේශබන්දු තෙන්නකෝන් මහතා ඔහුට එරෙහිව එල්ල වූ චෝදනාවලට...

නව අගවිනිසුරු ලෙස ප්‍රීති පද්මන් සූරසේන නම් කරයි

ශ්‍රේෂ්ඨාධිකරණ විනිසුරු ප්‍රීති පද්මන් සූරසේන මහතා මීළඟ අගවිනිසුරුවරයා ලෙස...
error: Content is protected !!