ජැක්සන් ගැන සංවේදී හදවත් තියෙන හැමෝම කම්පා වෙන මොහොතක් මේ.
ඇත්තටම ඔහුට ආදරය කරන මිනිස්සු දහස් ගාණක් ආයෙත් නොයන ජැක්සන්ට තමන්ගේ අවසන් ගෞරවය ලබා දෙන්න යමින් ඉන්නවා. ඒ අතර කලාකරුවන්, දේශපාලනඥයන් ඇතුළු ජැක්සන්ව කිසි දවසක සජීවීව දැකල නැති මිනිස්සුත් ඇති.
ක්ෂේත්රයේ ජැක්සන් ඇන්තනීලගෙන් පසු පරම්පරාවක් නියෝජනය කරන හේමාල් රණසිංහ කියන්නෙ ඔහුට දැඩි ලෙස ගෞරව කරන කෙනෙක්. ඔහුට ආදරය කරන කෙනෙක්. ඔහු සමඟ ළඟින් ගණුදෙනු කරන කලාකාරයෙක්.
තැන නොතැන නොදන්න සමහර මිනිස්සු නිසා ජැක්සන්ට අවසන් ගෞරව දක්වන්න ආව හේමාල් අපහසුතාවට පත්වෙන විදිය මේ වීඩියෝවෙන් බලන්න පුළුවන්. ජයරත්න මල්ශාලාවේ දී සමහරු හේමාල්ට සෙල්ෆි ගහන්න ආරාධනා කරන විදිය එහි සටහන් වෙලා තියෙනවා. හේමාල් බොහොම ආදරයෙන් ඒ ඉල්ලීම් ප්රතික්ෂේප කරන බවත් එහි දැක්වෙනවා.
අපි කවුරුත් සුන්දර මිනිස්සු එක්ක ෆොටෝ එකක් ගන්න කැමතියි. ඒත් ඉන්න තැන අමතක කරන්න නරකයි. සෙල්ෆියක් ගන්න ඒ හේමාල් ගිහින් ඉන්නෙ මඟුල් ගෙදරක නෙවෙයි. කලා ක්ෂේත්රයේ ඔහුගේ ළඟම ප්රවීණයකුගේ අවසන් ගමනට ආචාර කරන්න. ඇත්තටම ඒ අවස්ථාවේ හේමාල් අපහසුතාවට පත් වුණා වෙන්න පුළුවන්. හොඳ වෙලාවට ඔහුගේ බොහොම අවබෝධයෙන් සවිඥානිකව ඒ ඉල්ලීම ප්රතික්ෂේප කරනවා. එහෙම නොවුණ නම් අමතක වීමකින් හෝ ඔහු එයට මූණ දුන්න නම් අනිත් පැත්තෙන් ඔහුට මේ ගැන ලොකු විවේචනයක් එන්නත් තිබුණා.
කලාකරුවන්ට තියෙන ආදරය තියෙන්න ඕන. ඒක පෙන්නන්න ඕන. එතකොට තමයි කලාකරුවා පවතින්නේ. හැබැයි ඒක සව්ඥානික වෙන්න ඕන කියන එකට මේක හොඳ උදාහරණයක්.
