මෑතක දී එක් වුණු යූ ටියුබ් සංවාදයක දී ජනප්‍රිය රංගන ශිල්පිනියක් වන ෂෙරිල් ඩෙකර් රටේ වර්තමාන නායකත්වය සහ දේශපාලන වාතාවරණය පිළිබඳ ආන්දෝලනාත්මක මත දැක්වීමක් සිදු කර තිබෙනවා.
ඇය එහි දී පවසන්නේ රට පසුගිය කාල සීමාවේ මුහුණ දුන් බරපතල අර්බුද හමුවේ වෙනත් කිසිදු නායකයකු රට භාර ගැනීමට ඉදිරිපත් නොවූ පසුබිමක වර්තමාන ජනාධිපතිවරයා එම වගකීම නොබියව භාර ගැනීම තමා ඉතා අගය කරන බවයි.
ඇය එහිදී මෙසේ පවසා තිබුණා.
“රට යම් හේතුවක් නිසා වැටිලා තියෙද්දී බොරුවට අරය භාරගන්නම් මෙයා භාරගන්නම් කිව්වට කවුරුත් භාර ගත්තෙ නෑනේ. අන්තිමට භාර ගත්තේ රනිල් වික්‍රමසිංහ. එතුමනේ භාරගත්තේ.
එතනදි මම එතුමට කැමතියි.ඒ මොළේ කාටවත් නෑ.ඒක මාර මොළයක්. මිනිස්සු මඩ ගහන්න ගහන්න ඒකට ෆේස් කරන්න ඕන විදිය එතුමා දන්නවා. මම දැකපු දේ. මොකද අපේ රට වැටිලානේ තිබ්බෙ. බනිනව තමයි. හැමදේම ගණන්. ඒ වුණාට නායකයෙක් ඕන නේ මේක ගෙනියන්න. එතුමනේ භාර ගත්තේ. ඒකට මං මාර කැමතියි.”
