ප්‍රවීන ගායිකා විශාරද නන්දා මාලනී මහත්මිය පිළිකා රෝගී තත්ත්වයක් හේතුවෙන් දැඩි ලෙස රෝගාතුර වී නාරාහේන්පිට පෞද්ගලික රෝහලක ප්‍රතිකාර ලබමින් සිටින බවට ඊයේ (24) දිනයේ සමාජ මාධ්‍යවල වාර්තා පළ වුණා.
මේ පිළිබඳ කළ විමසීමක දී දයාන් විතාරණ මහතා පැවසුවේ එම පුවත ව්‍යාජ එකක් බවයි.
නන්දා මාලනී මහත්මිය අසනීප තත්ත්වයෙන් පසු වුවත් එය කිසිසේත් මෙම සමාජ මාධ්‍ය පුවත්වල සටහන්ව ඇති පරිදි දරුණු ගණයේ රෝගී තත්ත්වයක් නොවන බව ඒ මහතා පවසනවා.
ඔහු වැඩිදුරටත් ඉල්ලා සිටියේ සමාජ මාධ්‍යයන්හී අවධානය ලබාගැනීමටත් ෆේස්බුක් පිටුවලට ග්‍රාහකයන් සංඛ්‍යාව වැඩි කරගැනීමටත් සිදුකරන මෙවන් පහත් ආකාරයේ ක්‍රියාවන් සිදු නොකරන ලෙසයි.
