නොවැම්බර් මාසයේ එළිදැක්වෙන 2024 වසර සඳහා වන අයවැයෙන් රුපියල් 20,000ක දීමනාවක් හෝ වැටුප් වැඩිවීමක් ඉල්ලා අද (30) දිනයේ දිවයින පුරා උද්ඝෝෂණ ව්යාපාර සංවිධානය කර ඇතැයි වාර්තා වී තිබෙනවා.
රාජ්ය හා පළාත් රාජ්ය සේවා වෘත්තීය සමිති එකතුව මෙම විරෝධතා සංවිධානය කර ඇති අතර ඒ සඳහා සංවර්ධන නිලධාරී, කළමනාකරණ සේවා නිලධාරී, ග්රාම නිලධාරී, සමෘද්ධි, කාර්යාල සේවා, පළාත් රාජ්ය සේවා ඇතුළු සේවා ගණනාවක් සම්බන්ධ වී ඇතැයි සඳහන්.
ඒ අනුව අද දහවල් 12ට දිවා ආහාර කාලයේ මෙම උද්ඝෝෂණ ව්යාපාර පැවැත්වීමට සැලසුම් කර ඇති බව ආරංචි මාර්ග පවසනවා.
රාජ්ය, පළාත් රාජ්ය, රජයේ වෘත්තීය සමිති සම්මේලනයේ ප්රධාන ලේකම් අජිත් කේ තිලකරත්න මහතා පැවසුවේ මෙවර අයවැය තුළින් සිය ඉල්ලීම් සඳහා නිසි විසඳුම් ලබානොදෙන්නේ නම් නොවැම්බර් 13 වනදායින් පසුව වර්ජන ක්රියාමාර්ගයන්ට එළඹෙන බවයි.