බොලිවුඩය ජනප්‍රිය කීර්තිමත් පුද්ගලයන් ගැන කටකතාවලින් පිරුණු තැනක්. මෑත කාලයේ සිරස්තල බවට පත් වූ එවැනි කුතුහලය දනවන යුවළක් වූයේ ආදිත්‍ය රෝයි කපූර් සහ අනන්‍යා පාණ්ඩේ ය.
ඔවුන් අතර ප්‍රේම සම්බන්ධතාවයක් පිළිබඳ කටකතා ඕනෑ තරම් තිබුණත් දෙදෙනාම එය මෙතෙක් නිල වශයෙන් පිළිගෙන නැහැ.ප්‍රසිද්ධියේ පෙනී ඉන්න කිසිම විදියකින් ඒ කතා බාධාවක් කරගෙනත් නෑ. අනන්‍යා-ආදිත්‍ය ගැන මුලින්ම කතා වෙන්න පටන් ගත්තෙ ඔවුන් එකට ගත කරපු නිවාඩුවක ඡායාරූප කිහිපයක් එක්ක.
මෑතක දී ඔවුන් රාත්‍රී භෝජන සංග්‍රහයකට ගිහින් ආදරයෙන් ඇලීගැලී ඉන්න දර්ශන කිහිපයකටත් සමාජ මාධ්‍යවල හැමෝගෙම අවධානය හිමිවෙලා තිබුණා.
පහුගිය සිකුරාදා දෙන්නා මුණගැහිලා තිබුණේ මුම්බායි හි සුප්‍රසිද්ධ අවන්හලක දී. මේ ගමනේ දි දෙන්නම ඇඳන් ගිහින් හිටියේ කළු පැහැති ඇඳුම්. සමාජ මාධ්‍යවල පැතිරෙන මේ ආදරණීය වීඩියෝවේ, අනන්‍යා පාණ්ඩේ ආදිත්‍ය රෝයි කපූර්ගේ උරහිසට හේත්තු වෙලා ඔහුගේ අතකින් අල්ලගෙන ඉන්න විදිය දකින්න ලැබුණා.
