විශාකාපට්නම් සිට රයිගාඩා බලා ධාවනය වෙමින් තිබූ මගී දුම්රියක් විශාකාපට්නම් බලා ධාවනය වෙමින් තිබූ අධිවේගී දුම්රියක ගැටීමෙන් සිදුවූ අනතුරින් පුද්ගලයින් 13 දෙනෙකු මියගොස් 50 දෙනෙකු තුවාල ලබා ඇතැයි ඉන්දීය මාධ්‍ය වාර්තා කරයි.
ඉරිදා ඉන්දියාවේ දකුණු ආන්ද්‍රා ප්‍රදේශ් ප්‍රාන්තයේ විජය නගරම් හි දී මෙම අනතුර සිදු විය.
ගලවා ගැනීමේ මෙහෙයුම් දියත් කර ඇති අතර සුන්බුන් ඉවත් කිරීම සඳහා හදිසි සේවකයින් සිය ගණනක් එම ස්ථානයේ රැඳී සිටින බව වාර්තා වේ.
නිලධාරින් පවසන ආකාරයට සහ මූලික විමර්ශනවලින් අනාවරණය වී ඇති ආකාරයට “මානව අත්වැරදීමක්” අනතුරට හේතු වී ඇත.
අග්‍රාමාත්‍ය නරේන්ද්‍ර මෝදි ඛේදවාචකය පිළිබඳ සිය ශෝකය ප්‍රකාශ කළ අතර තමන් දුම්රිය අමාත්‍යවරයා සමඟ සම්බන්ධ වී ඉදිරි කටයුතු අධීක්ෂණය කරන බව පවසා තිබේ.
