සංචාරක රාජ්ය අමාත්ය ඩයනා ගමගේගේ පාර්ලිමේන්තු මන්ත්රී ධුරය අභියෝගයට ලක් කරමින් ගොනු කර තිබූ රිට් පෙත්සමක් අභියාචනාධිකරණය අද (31) ප්රතික්ෂේප කළා.
රාජ්ය අමාත්ය ඩයනා ගමගේට පාර්ලිමේන්තු මන්ත්රීවරයෙකු වීමට සුදුසුකම් නොමැති බවට නියෝගයක් නිකුත් කරන ලෙස ඉල්ලා මෙම රිට් පෙත්සම ගොනු කර තිබුණා.
මෙම පෙත්සම අද විභාගයට ගත් ත්රිපුද්ගල විනිසුරු මඩුල්ලේ බහුතර තීන්දුවක් මත අභියාචනාධිකරණය එය නිෂ්ප්රභ කළ බවයි සඳහන් වන්නේ.
සංචාරක රාජ්ය අමාත්ය ඩයනා ගමගේගේ පුරවැසිභාවය සහ පාර්ලිමේන්තු මන්ත්රී ධුරයක් දැරීමට ඇති අයිතිය අභියෝගයට ලක් කරමින් රිට් පෙත්සමක් ගොනු කරනු ලැබුවේ සිවිල් ක්රියාකාරිකයෙකු වන ඕෂල හේරත් විසිනි.
ඩයනා ගමගේ බ්රිතාන්ය පුරවැසිභාවය හේතුවෙන් ශ්රී ලංකා පාර්ලිමේන්තු මන්ත්රීවරියක ලෙස කටයුතු කිරීමට සුදුසුකම් නොලබන බවට තීන්දුවක් නිකුත් කරන ලෙස මෙම පෙත්සමෙන් ඉල්ලා සිටියා.
