රුසියාව විසින් අත්පත් කරගෙන සිටින නැගෙනහිර යුක්රේනයේ Volnovakha නගරයේ කුඩා දරුවන් ඇතුළු නව දෙනෙකුගෙන් යුත් පවුලක් ඔවුන්ගේ නිවස තුළ වෙඩි තබා ඝාතනය කර තිබේ.
මෙම බිහිසුණු ඝාතන සම්බන්ධයෙන් සෘජුවම චෝදනා එල්ල වී ඇත්තේ රුසියානු සොල්දාදුවන්ට යි.
යුක්රේන බලධාරීන් චෝදනා කර ඇත්තේ තම නිවස සොල්දාදුවන්ට ලබා දීම ප්රතික්ෂේප කිරීම නිසා Kapkanets පවුල ඔක්තෝබර් 27 වන දින මරා දැමූ බවයි.
BBC වාර්තාවකට අනුව, රුසියානු විමර්ශකයින් පිරිමි සැකකරුවන් දෙදෙනෙකු රඳවාගෙන ඇති අතර ඔවුන් පවසන්නේ ඈත පෙරදිග සිට පැමිණි රුසියානු සොල්දාදුවන් බවයි.
මෙම ම්ලේච්ඡ ඝාතනවල ඡායාරූප සමාජ මාධ්ය ජාලා ඔස්සේ නිකුත් වී තිබේ. එම ඡායාරූපවලින් ඔවුන් ඇඳේ වැතිර සිටින ආකාරයත් ලේ තැවරුණු සහ වෙඩි උණ්ඩවලින් වැසී ඇති සිරුරුත් පෙන්වයි. සමහර හද කම්පා කරවන පින්තූරවල, ඝාතනයට ලක් වූ පවුල එකිනෙකා වැලඳගෙන සිටිනු දැකගත හැකි විය.
