ඇමරිකා එක්සත් ජනපදයේ සංචාරයක නිරත වී සිටින ජාතික ජනබලවේගයේ නායක අනුර කුමාර දිසානායක මහතා එම සංචාරය අතරතුර කළ කතාවක වචනයක සිදුවූ වැරදීමක් නිසා පසුගිය සතිය පුරා කතා බහට ලක්වුණා.
විවිධ දේශපාලන පක්ෂ ඇතුළු බොහෝ දෙනෙක් මේ සම්බන්ධයෙන් විවිධ මත පළ කර අතර අනුර කුමාර දිසානායක මහතා ද යූ ටියුබ් නාළිකාවක් ඔස්සේ ඒ පිළිබඳ අදහස් දක්වා තිබෙනවා.
තමන් ග්‍රැෆීන් වෙනුවට ග‍්‍රැපයිට් ලෙසින් පැවසීමෙන් සිදුවූ වචනයක අත්වැරදීම අද වන විට සමාජය තුළ විශාල කතාබහකට ලක්ව ඇතැයි ඔහු එහි දී සඳහන් කළා.
ඔහු පවසන්නේ තමන් තමන් එම වචනය නිවැරදි ආකාරයෙන් පනස් වතාවට වඩා පවසා ඇතත් ඒ ගැන කිසිදු සාකච්ඡාවක් ඇති වූයේ නැති බවයි.
නමුත් වඩා ප‍්‍රබල වන්නේ තමා අතින් සිදුවූ වචනයක වරද ද ලංකාවට සිදු වී ඇති වරද දැයි ඔහු එහිදී ප්රශ්න කළා.
