ශ්රී ලංකා ක්රිකට් ආයතනය සඳහා ක්‍රීඩා අමාත්‍යවරයා විසින් පත් කරනු කරන ලද අතුරු පාලක කමිටුව සහ එම ගැසට් නිවේදනය ක්‍රියාත්මක වීම වළක්වාලමින් අභියාචනාධිකරණය අද (නොවැ. 7) අතුරු තහනම් නියෝගයක් නිකුත් කර තිබේ.
ශ්රී ලංකා ක්රිකට් ආයතනයේ සභාපති ෂම්මි සිල්වා විසින් ඉදිරිපත් කරන ලද රිට් පෙත්සමක් සලකා බැලීමෙන් අනතුරුව අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ විකුම් කළුආරච්චි යන අභියාචනාධිකරණ විනිසුරු මඬුල්ල විසින් එම නියෝග නිකුත් කර ඇත.
ඒ අනුව, එම නියෝග දින 14ක කාලයකට බලපැවැත්වෙනු ඇත.
තව ද පෙත්සම්කරු ඇතුළු ශ්රී ලංකා ක්රිකට් ආයතනයේ නිලධාරීන්ට ඔවුන්ගේ කටයුතුවලට බාධා කිරීම වළක්වාලමින් විනිසුරු මඬුල්ල විසින් ක්‍රීඩා අමාත්‍යවරයා ඇතුළු වගඋත්තරකරුවන් වෙත තව ත් අතුරු නියෝගයක් ද නිකුත් කර තිබේ.
