පාර්ලිමේන්තු මන්ත්‍රී නාමල් රාජපක්ෂ මහතා 2024 ජනාධිපතිවරණයට ඉදිරිපත් නොවන නමුත් ශ්‍රී ලංකා පොදු ජන පෙරමුණෙන් කවර හෝ පුද්ගලයෙක් ජනාධිපතිවරණයට ඉදිරිපත් කරන බව හිටපු ජනාධිපති මහින්ද රාජපක්ෂ මහතා පවසනවා.
ජනාධිපති රනිල් වික්‍රමසිංහ මහතා සමඟ හැකිතාක් දුර යන බවත් නොහැකි තත්ත්වයකදී නවතින බවත් ඒ මහතා මාධ්‍ය කළ විමසීමකට පිළිතුරු දෙමින් සඳහන් කළා.
ඒ අතර වාර්තා වන්නේ ඊයේ (09) පැවති එම පක්ෂයේ දේශපාලන මණ්ඩල රැස්වීමේ දී එළඹෙන ජනාධිපතිවරණයේ දී පොහොට්ටුවේ අපේක්ෂකයා සම්බන්ධයෙන් තීන්දුවක් ගැනීම හා ඒ පිළිබඳව ප්‍රකාශ කිරීමේ වගකීම එහි නායක මහින්ද රාජපක්ෂ මහතාට පවරා ඇති බවයි.
පොහොට්ටුවේ දේශපාලන මණ්ඩලය, පක්ෂ නායක මහින්ද රාජපක්ෂ සහ බැසිල් රාජපක්ෂ මහතාගේ ප්‍රධානත්වයෙන් ඊයේ රැස්වී තිබුණා.
