සමාජ මාධ්ය ඔස්සේ සංසරණය වන විකෘති කරන ලද අවුරුදු ගීතයක් සම්බන්ධයෙන් සංස්කෘතික කටයුතු අමාත්යාංශය පරීක්ෂණයක් ආරම්භ කර තිබෙනවා.
එම පරීක්ෂණය ආරම්භ කර ඇත්තේ සංස්කෘතික කටයුතු අමාත්ය විදුර වික්රමනායක මහතාගේ උපදෙස් අනුවයි.
මෙසේ විකෘති කරන ලද ගීතය රෝහණ බැද්දගේ මහතා විසින් ගායනා කරන අවුරුදු ගීතයක් බවයි වාර්තා වෙන්නේ.
සංස්කෘතික කටයුතු අමාත්යාංශයේ ලේකම් සෝමරත්න විදානපතිරණ මහතා පවසන්නේ විකෘති කළ ගීතය සමාජ මාධ්යයට මුදාහැරි පුද්ගලයින් පිළිබඳව සොයා බලා වාර්තාවක් ලබා දෙන ලෙසට උපදෙස් ලබා දී ඇති බවයි.
ඒසේම අදාළ පිරිසට එරෙහිව නීතිමය පියවර ගන්නා බවත් සංස්කෘතික කටයුතු අමාත්යංශයේ ලේකම්වරයා වැඩිදුරටත් සඳහන් කර තිබෙනවා.
