පාසල් සිසුන්ගේ ආහාර වේල ලබාදීම සඳහා භාවිත කිරීමට වේයන්ගොඩ ප්රදේශයේ රජයේ ගබඩාවක ගබඩා කර තිබූ සහල් තොග ප්රමිතියෙන් තොර බවට අනාවරණය වී ඇති බව මහජන සෞඛ්ය පරීක්ෂකවරුන්ගේ සංගමය චෝදනා කරනවා.
එම සංගමයේ සභාපති උපුල් රෝහණ මහතා සඳහන් කළේ කෘමි හානි හේතුවෙන් අදාළ සහල් තොග පරිභෝජනයට නුසුදුසු තත්ත්වයට පත්ව ඇති බවයි.
මෙසේ පරිභෝජනයට නුසුදුසු බව අනාවරණය කරගෙන ඇත්තේ පාසල් සිසුන්ට පෝෂ්යදායී දිවා ආහාරය නොමිලේ ලබාදීම සඳහා ක්රියාත්මක කළ පාසල් ආහාර වැඩසටහන සඳහා ලෝක ආහාර වැඩසටහන (WFP) මඟින් ලබා දුන් සහල් තොගයක් බවයි පැවසෙන්නේ.
පවතින තත්ත්වය හමුවේ මේ වන විට අදාළ ආහාර ගබඩාවෙන් සහල් තොග නිකුත් කිරීම තාවකාලිකව අත්හිටුවීමට කටයුතු යොදා තිබෙනවා.
මෙම සහල් තොගවල ප්රමිතිය පිළිබඳව ලැබුණු පැමිණිලි කිහිපයක් අනුව රජයේ රස පරීක්ෂකවරයාගේ උපදෙස් පරිදි වේයන්ගොඩ සෞඛ්ය වෛද්ය නිලධාරී කාර්යාලයේ මහජන සෞඛ්ය පරීක්ෂකවරුන් විසින් මෙම ගබඩාවෙන් සහල් සාම්පල 1,000කට අධික ප්රමාණයක් ලබාගෙන පරීක්ෂා කිරීමෙන් පසු මෙම තත්ත්ත්වය අනාවරණය වී ඇති බවයි වාර්තා වන්නේ.
