අතිවිශාල කාන්තාවන් ප්‍රමාණයක් මැයි දිනයකට සහභාගී වන ඉතිහාසයේ පළමු මැයි දිනය මෙය බවත් වැටුප් හිමි හා වැටුප් අහිමිව වැඩ කරන සියලුම කාන්තාවන් ජාතික ජන බලවේගයේ මැයි දින රැළියට එක් වී සිටින්නේ දේශපාලන වගකීම ඉටු කිරීමට බවත් ජාතික ජන බලවේගයේ විධායක සභික පාර්ලිමේන්තු මන්ත්‍රී හරිනි අමරසූරිය පවසනවා.
තමා මෙවැනි ලක්ෂ ගණනක ජනතාවක් අමතන පළමු වතාව එය බව ඇය පැවසුවේ ජාතික ජන බලවේගයේ මාතර මූදු මාවතට එක් වූ ලක්ෂ ගණනක ජන ගඟ අමතමිනි.
“මෙතැනට එකතු වෙලා ඉන්නේ ඉතිහාසය වෙනස් කරන ඉතිහාසයේ පෙරළියක් කරන අරගලකරුවන්. සටන් කාමීන් ඔවුන් හොඳින් මතක තබා ගන්න. මෙවැනි මැයි දිනයක් අමතන ප්‍රථම වතාව. ලක්ෂ ගාණක් සෙනඟ ඉදිරියේ කතා කරන ප්‍රථම වතාව.
අද මැයි දිනය කවදාවත් අමතක වෙන්නෙ නෑ. මට නිසැකයි ඔයාලටත් කවදාවත් අමතක වෙන එකක් නෑ.” ඇය මෙහි දී පැවසුවා.
