හිටපු ජනාධිපති ගෝඨාභය රාජපක්ෂ මහතා 2021 වසරේ තමා සමඟ කළ දුරකථන සංවාදයේදී පැවසූ දේ ප්රතික්ෂේප කළ නොහැකි බව කොළඹ අගරදගුරු කාදිනල් මැල්කම් රංජිත් හිමිපාණන් ප්රකාශ කර තිබෙනවා.
හිටපු ජනාධිපති ගෝඨාභය රාජපක්ෂගේ ප්රකාශය ගැන සඳහන් කරමින් කාදිනල් හිමිපාණන් කියා සිටියේ තමාට සමීප පුද්ගලයන්ට සහ සංවිධානවලට එරෙහිව ක්රියාමාර්ග ගැනීමට සිදුවන බැවින් ජනාධිපති කොමිසමේ නිර්දේශ ක්රියාත්මක කිරීම හිටපු ජනාධිපතිවරයා ප්රතික්ෂේප කළ බවයි.
2021 පෙබරවාරි 2 වැනිදා හිටපු ජනාධිපතිවරයා මා සමඟ දුරකථනයෙන් කතා කළ බව මට සහ මගේ ලේකම්වරයාට තහවුරු කර ඔප්පු කළ හැකියි.
පාස්කු ඉරිදා බෝම්බ ප්රහාරය ගැන සොයා බැලූ ජනාධිපති කොමිසම නිර්දේශ කර ඇත්තේ ඉස්ලාමීය අන්තවාදී සංවිධාන තහනම් කිරීම පමණක් බව රාජපක්ෂ මහතා පසුගියදා ප්රකාශ කළා.
එම වාර්තාවේ පැහැදිලිවම ඉස්ලාම් නොවන සංවිධානයක් තහනම් කිරීමට නිර්දේශ කර ඇති බව හිටපු ජනාධිපතිවරයාට මෙම කරුණු ප්රතික්ෂේප කළ නොහැකි බව කාදිනල් හිමියන් සඳහන් කරල් තිබෙනවා.
එමෙන්ම උන්වහන්සේ, පාස්කු ඉරිදා ප්රහාරය සම්බන්ධයෙන් විමර්ශනය කළ බුද්ධි අංශ නිලධාරීන්ට ස්ථාන මාරුවීම් ලබාදී ඇති බවට හිටපු ජනාධිපති ගෝඨාභය රාජපක්ෂ මහතාට චෝදනා කර සිටිනවා.
ජනාධිපති කොමිසමේ නිර්දේශ ක්රියාත්මක කිරීමට වත්මන් රජය අපොහොසත් වී ඇති බවත් හිටපු ජනාධිපති මෛත්රීපාල සිරිසේන මහතාට එරෙහිව ක්රියාමාර්ග ගැනීමට කොමිසම නිර්දේශ කර ඇතත් ඔහුට එරෙහිව පියවර නොගන්නේ මන්දැයි කාදිනල්වරයා ප්රශ්න කර සිටියා.
පාස්කු ඉරුදින බෝම්බ ප්රහාරයට සම්බන්ධ සෑම දෙයක්ම වත්මන් රජය තවදුරටත් කාපට් යටට තල්ලු කරමින් සිටින බවද එතුමන් වැඩිදුරටත් පවසා තිබෙනවා.
