ජාතික ජන බලවේගයේ ආණ්ඩුවක් යටතේ යුක්තිය පසිඳලීමේ බලය ගමට දෙන බවට එම සන්ධානයේ කේ.ඩී ලාල්කාන්ත සිදු කළ ප්‍රකාශයක් පිළිබඳ අදහස් දක්වමින් බලය බෙදීම යනුවෙන් එහි දී අදහස් වන්නේ පුරවැසියා තව තවත් ශක්තිමත් කිරීම බව අනුර කුමාර දිසානායක මහතා පවසනවා.
බලය බෙදිමේ අවසන් ඒකකය ලෙස පුරවැසියා අතට බලය ලැබෙන ක්‍රමයක් එමඟින් අදහස් වන බවයි ඔහු මෙහි දී පැවසුවේ.
දැනටත් සමථ මණ්ඩල ලෙස ක්‍රියාත්මක වන ගමේ ප්‍රභූවරුන්ගෙන් යුක්ත සුළු අපරාධ, ඉඩම් නඩු වැනි විසඳන ක්‍රමවේද හා සමාන ක්‍රමවේදයක් ලාල්කාන්ත මහතාගේ කතාවෙන් අදහස් කෙරෙන අතර යම් අධිකරණ බලයක් යන වචනය එයින් අදහස් නොවන බව ඔහු පවසනවා.
“වචනේ ඒක නෙවෙයි. ඒකෙ අදහස. ඒ වචනෙන් ගම්‍ය වෙන එක නෙවෙයි ඇත්ත අදහස. කොහොමද එහෙම මිනිස්සුන්ට අධිකරණ බලයක් දෙන්නෙ. ග්‍රාමීය පුද්ගලයන්ගේ බලය ශක්තිමත් කිරීමක් තමයි එයින් අදහස් වෙන්නේ.”
