පුරවැසියන් නොවන පුද්ගලයින්ට දේශපාලන පක්ෂයක් ලියාපදිංචි කිරීමට නීතිමය බාධාවක් නොමැති බව මැතිවරණ කොමිසමේ හිටපු සභාපති මහින්ද දේශප්‍රිය මහතා ඊයේ (08)) ප්‍රකාශ කළා.
“ශ්‍රී ලංකාවේ නීතිය මගින් පුරවැසියෙකු නොවන අයෙකුට පාර්ලිමේන්තු මන්ත්‍රීවරයෙකු වීම, මැතිවරණයකට තරඟ කිරීම පමණක් වළක්වන අතර පුරවැසියෙකු නොවන අයෙකුට මැතිවරණයකදී ඡන්දය ප්‍රකාශ කිරීම ද නීතියෙන් තහනම් කර ඇත” යනුවෙන් ඔහු පවසා තිබෙනවා.
එමෙන්ම, හිටපු රාජ්‍ය අමාත්‍ය ඩයනා ගමගේ SJB නාමයෝජනා පත්‍රවලට අත්සන් කර නොමැති බවත්, ඇය කිසිදිනක අපේ ජාතික පෙරමුණේ ප්‍රධාන ලේකම්වරිය වී නොමැති බවත් ඔහු කියා සිටියා.
“අපේ ජාතික පෙරමුණ හැදුවේ පාර්ලිමේන්තු මන්ත්‍රීවරුන් වන දිවංගත මංගල සමරවීර සහ ශ්‍රීපති සූරියආරච්චි හිටපු ජනාධිපති මහින්ද රාජපක්ෂ සමඟ ඇතිකරගත් දේශපාලන සන්ධානය බිඳ දැමූ අවස්ථාවේදීයි. අපේ ජාතික පෙරමුණේ ප්‍රධාන ලේකම්වරයා වූයේ රුවන් ෆර්ඩිනැන්ඩස් වන අතර ඩයනා ගමගේගේ සැමියා පසුව එම ධූරයට පත් වුණා”යැයි ඔහු පවසා තිබෙනවා.
