ජීවන වියදම දැඩි ලෙස ඉහළ ගොස් ඇති අතර රට මුදල් හිඟයට ලක්ව තිබියදීත්, පාර්ලිමේන්තු මන්ත්රීවරුන් ඉල්ලා සිටින පරිදි සහනදායී වාහන බලපත්ර ලබා දීමේ යෝජනාව පාර්ලිමේන්තු කාරක සභාව අනුමත කර ඇති බව ඉහළ පෙළේ ආරංචි මාර්ග පපවසනවා.
රාජ්ය සේවයේ විවිධ කාණ්ඩවල විධායක ශ්රේණිවල ලබා දී ඇති සමාන පහසුකම්වලට අනුකූලව මන්ත්රීවරුන්ගේ අවශ්යතා සොයා බලන කමිටුව එවැනි බලපත්ර සඳහා ඔවුන් විසින් කරන ලද ඉල්ලීම ධනාත්මකව සලකා බැලූ බව පවසා තිබෙනවා.
විවිධ පක්ෂ නියෝජනය කරන සියයකට අධික මන්ත්රීවරුන් පිරිසක් සිය පරිහරණය සඳහා තීරුබදු රහිත වාහන ගෙන්වීමට අවසර දෙන ලෙස ඉල්ලා කථානායක මහින්ද යාපා අබේවර්ධන මහතා වෙත ලිපියක් ඉදිරිපත් කළා.
කාරක සභාවේ අනුමැතියෙන් පසු කථානායකවරයා මුදල් අමාත්යවරයා ලෙස එම තීරණය ක්රියාත්මක කිරීමට බලය ඇති ජනාධිපති රනිල් වික්රමසිංහ වෙත ලිපියක් යොමු කිරීමට බලාපොරොත්තු වන බව සඳහන්.
සෑම පාර්ලිමේන්තුවකම මන්ත්රීවරුන්ට වාහන බලපත්ර ලබා දෙනවා. කෙසේ වෙතත්, 2020 මහ මැතිවරණයෙන් වත්මන් පාර්ලිමේන්තුවට තේරී පත් වූ මන්ත්රීවරුන්ට ආර්ථික අර්බුදය සහ විදේශ විනිමය ඉතිරි කර ගැනීම සඳහා වාහන ආනයනය තහනම් කිරීම හේතුවෙන් එහි වාසිය ලැබුණේ නැහැ.
තහනම ඉවත් කිරීමේ හැකියාව ගැන රජය දැන් කල්පනා කරමින් සිටී.
තහනම ඉවත් කළ පසු පමණක් මන්ත්රීවරුන්ට බලපත්ර ලැබෙනු ඇති බවයි පැවසෙන්නේ.
