ඩුබායි හි මාර්ග සහ ප්‍රවාහන අධිකාරිය (RTA) පියාඹන විදුලි ගුවන් කුලී රථ සේවයක් හඳුන්වා දීමට පියවර ගෙන තිබෙනවා.
මෙම නව කුලි රථ සේවාව සමඟ නගර ගමනාගමනය ප්‍රතිසංස්කරණය කිරීමට සහ විප්ලවීය වෙනසක් කිරීමට සූදානම් බවයි වාර්තාවල දැක්වෙන්නේ.
මෙම සේවාව ඔස්සේ ගමන් කාලය සැලකිය යුතු ලෙස අඩු කිරීමට පොරොන්දු වන අතර, ඩුබායි තුළ ඕනෑම ගමනාන්තයකට මිනිත්තු 10 කින් ළඟා විය හැකි බව සහතික කර තිබෙනවා.
සම්ප්‍රදායික ප්‍රවාහනයට සාපේක්ෂව ගමන් කාලය සියයට 70 ක කැපී පෙනෙන අඩුවීමක් මේ තුල සිදු වනු ඇති බව පැවසෙනවා.
2025 අවසානය වන විට මෙය ක්‍රියාත්මක කිරීමටයි සැලසුම් කර ඇත්තේ.
