සමගි ජන බලවේගයේ පාර්ලිමේන්තු මන්ත්‍රී හර්ෂ ද සිල්වා මහතාගේ මුල පිරීමක් අනුව නිර්මාණය කළ සුවසැරිය ගිලන් රථ සේවයේ ගිලන් රථ බොහෝ ප්‍රමාණයක් භාවිතයට ගත නොහැකි තත්ත්වයට පත් වී ඇති බව විපක්ෂ නායක සජිත් ප්‍රේමදාස මහතා සඳහන් කළා.
මේ වන විට එම සේවාවේ ගිලන් රථ 322 ක අතරින් 56 ක්ම භාවිතයට ගත නොහැකි තත්ත්වයට පත් වී ඇති බවයි ඔහු සඳහන් කළේ.
එම ගිලන් රථ අලුත් වැඩියා කිරීම සඳහා රජයේ අනුග්‍රහය සහ මැදිහත්වීම කිසිසේත් ප්‍රමාණවත් නැහැ.
විශාල වශයෙන් හදිසි වෛද්‍ය තාක්ෂණ ශිල්පීන්, රියදුරන් රට අතහැර යාම තුළ එම සේවාව පවත්වා ගැනීමට නොහැකි තත්ත්වයක් මතු වී ඇති බව ද ඔහු පවසා තිබෙනවා.
ජනතාව වෙනුවෙන් විශාල සේවයක් සිදු කරන එමල් සේවාව රැකගැනීම සඳහා රජයේ අවධානය යොමු කරන්නැයි විපක්ෂ නායකවරයා ඉල්ලා සිටියා.
