අත් අඩංගුවේ පසුවන හරක්කටා නැමැති සැකකරු වෙනුවෙන් අධිකරණයේ පෙනි සිටින ලෙස වෙනත් නීතිඥයෙක් මගින් හරක්කටා හෙවත් නඳුන්ගේ පියා කරන ඉල්ලිමකට අනුව තමන් එම නඩුව වෙනුවෙන් පෙනි සිටින බව ජනාධිපති නීතිඥ සාලිය පීරිස් මහතා සඳහන් කරයි.
පහුගිය දිනවල සංවිධානාත්මක අපරාධ වලට සම්බන්ධ සැකකරුවන් පොලිස් අත් අඩංගුවේදි මියගිය බවත්, එවැනි පසුබිමක නඳුන්ගේ පියා මොහුව මරන්න එපා කියලා මෙම නඩුව තමන්ට භාරදුන් බව සාලිය පීරිස් මහතා පවසයි.
අපරාධකරුවන් මැරුවට කමක් නෑ කියලා සමාජයේ මතයක් තිබේන අතර ශිෂ්ඨ රටක එවැනි සිද්ධින් සිදු කිරිමට ඉඩ නොදිය යුතු බව වැඩිදුරටත් සඳහන් කරයි.
අන්තර්ජාල නාලිකාවක සාකච්ඡාවට එක්වෙමින් ජනාධිපති නීතිඥ සාලිය පීරිස් මහතා මෙම අදහස් පළ කර තිබේ.
