සම්බුද්ධ දේශනාව විකෘති කරන්නන්ට එරෙහිව දැඩි නීති ක්රියාත්මක කිරීමට රජය අපේක්ෂා කරන බව බුද්ධශාසන, ආගමික හා සංස්කෘතික කටයුතු අමාත්යාංශයේ ලේකම් සෝමරත්න විදානපතිරණ මහතා පවසනවා.
මේ දිනවල ශ්රී සද්ධර්මය විකෘති කරමින් විවිධ පාර්ශ්වයන් විසින් කරනු ලබන ප්රකාශ සම්බන්ධයෙන් මහා නායක ස්වාමීන් වහන්සේලා විසින් ජනාධිපතිවරයා වෙත කරන ලද පැමිණිල්ලකට අනුව එම ධර්මය විකෘති කරන්නන් සම්බන්ධයෙන් දැඩි නීති ක්රියාත්මක කිරීමට රජය අපේක්ෂා කරන බවඋඉ ඔහු පවසා ඇත්තේ.
මේ වන විටත් මහා නායක ස්වාමීන් වහන්සේලාගේ අනුශාසනා පරිදි දැනට ක්රියාත්මකව පවතින විහාර දේවාලගම් පනත වහාම ක්රියාත්මක වන පරිදි සංශෝධනය කිරීමට අවශ්ය මූලික කටයුතු සිදුකර ඒ සඳහා නීති කෙටුම්පත් සම්පාදක වෙත දැනටමත් යවා ඇති බව ඔහු පවසනවා.
ඒ තුළින් අපේක්ෂා කරන්නේ ශ්රී සද්ධර්මය විකෘති කරන යම් යම් පාර්ශ්වයන් වෙත එම විකෘති කිරීමට එරෙහිව නීතිය මගින් ක්රියාත්මක කිරීම සඳහා මේ වන විට නීති ප්රමාණවත් නොවන බැවින් ඒ සඳහා වන අවශ්ය මූලික නීතිය සකස් කර ගැනීමයි.
ඒ තුළින් නිර්මල ථෙරවාදී බුදු දහම තවත් සියවස් ගණනාවක් ලෝකය තුළ පැවතීම සඳහා අවශ්ය පරිසරය සකස් කරනු ඇති බව ඔහු සඳහන් කළා.
ඒ වගේම පුරාවිද්යාව හා ඵෙතිහාසික සාධක සම්බන්ධයෙන් කරන විකෘතින්, ප්රකාශයන් නිවැරදි නොවන බවට පෙන්වා දීමට පුරාවිද්යාඥයන්ගෙන් හා ඉතිහාසඥයින්ගෙන් සමන්විත කමිටුවක් කටයුතු කරමින් තිබෙනවා.
