කන්න දෙකක දී මෙරට ගොවි ජනතාවට අලියන්, ඌරන්, ඉත්තෑවන් හා ඉබ්බන්ගෙන් වෙන හානි අවම කිරීම සඳහා දිගුකාලීන සැලැස්මක් ක්රියාත්මක කරන අතරම කඩිනම් වැඩපිළිවෙළක් ලෙස සෑම ගොවියෙකුටම ලියාපදිංචි කළ තුවක්කුවක් ලබා දීමට කටයුතු කරන බව සමගි ජන බලවේගයේ පාර්ලිමේන්තු මන්ත්රී නලින් බණ්ඩාර මහතා පවසා තිබෙනවා.
සිය පාක්ෂිකයන්ට තුවක්කු ලබා දීමට කිසිදු බියක් නොමැති බව ඔහු මෙහි දී පවසා සිටියා.
‘‘අපේ ගොවි ජනතාවට තුවක්කු දෙන්න බය නෑ. මොකද මෙතන නෑ ගල් කටස් කාරයෝ. මෙතන නෑ ජෙප්පෝ. මෙතැන ඉන්නෙ ගමේ ගොවියෝ. ගමේ ඉන්න ජෙප්පට නඩු අහන්න දීලා ගමේ ඉන්න ජෙප්පන්ට නීතිය ක්රියාත්මක කරන්න අපේ ආණ්ඩුවක ඉඩ තියන්නෙ නෑ. ඒක වෙන්නෙ ජෙප්පො ආවොත් විතරයි. අපේ ගමේ ගොවියට තුවක්කුවක් දුන්නම ඒක පත්තු වෙන්නෙ සතෙක්ව එළවන්න විතරයි. ගමේ ඉන්න මුදලාලිට, ව්යාපාරිකයාට, දොස්තර මහත්තයට, පොලිසියේ රාළහාමිට ඒ තුවක්කු එල්ලවෙන්නෙ නෑ” යනුවෙන් සඳහන් කළා.
