ජනාධිපති රනිල් වික්රමසිංහ මහතාගේ යාපනය සංචාරය අතරතුරදී ඊයේ (25) උතුරු පළාත් හිටපු ප්රධාන අමාත්ය සී. වී විග්නේෂ්වරන් මහතා හමුව තිබෙනවා.
මාධ්ය වාර්තා කරන පරිදි මෙම සාකච්ඡාව සිදුව ඇත්තේ පාර්ලිමේන්තු මන්ත්රී සී වී විග්නේෂ්වරන්ගේ නල්ලූර් හි පිහිටි නිවසේදීයි.
විග්නේෂ්වරන් මන්ත්රීවරයා මෙම හමුව පිළිබඳ තොරතුරු හෙළි කරමින් කියා සිටියේ ජනාධිපතිවරයා තමන් හමුවූයේ ආචාරශීලීව බවත් එය කිසිදු දේශපාලන අරමුණක් සඳහා නොවන බවයි.
මෙම හමුවේදී ශ්රී ලංකාවේ ආර්ථිකය නගා සිටුවීමට ගෙන ඇති ක්රියාමාර්ග සහ අපේක්ෂිත ජනාධිපතිවරණය පිළිබඳව ජනාධිපතිවරයා තමාට කරුණු දැක්වූ බව ඔහු වැඩිදුරටත් පවසා තිබෙනවා.
උතුරු පළාතේ සිදුවෙමින් පවතින සංවර්ධනය සහ උතුරේ ජනතාවගේ ගැටළු විසඳීම සඳහා ගෙන ඇති ක්රියාමාර්ග පිළිබඳව ද මෙම සාකච්ඡාවේදී අවධානය යොමු කර ඇති බවයි පැවසෙන්නේ.
